Wuok 13:12 - MUMA MALER 2015

¹² to nyaka uchiwne nyithindu machwo makayo duto. Nyithind jambu makayo machwo duto bende gin mag Ruoth Nyasaye.

Motingʼo Loko Manyien

¹² to nyaka uchiw ni Jehova Nyasaye nyak mokwongo mar nyodo. Chiayo ka chiayo madichwo makayo gin mag Jehova Nyasaye.

Wuok 13:12 ပူးပေါင်းရင်းမြစ်များ

Nehemia 10:36

Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik.

Nehemia 10:37

Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

Wuok 13:1

Ruoth Nyasaye nowacho ni Musa niya,

Wuok 13:2

“Nyathi ka nyathi makayo nyaka walna, nikech dhano kata chiayo mokwong nywol e Israel en mara.”

Wuok 22:28

“Kik uyany Nyasaye, kendo kik ukuong’ jotendu.

Wuok 22:29

“Kik utamru miya chiwo moa kuom chambu, kata kuom divai, kata kuom mo. Yawuotu makayo bende nyaka umiya,

Wuok 34:19

“Nyithindo makayo ma chwo duto mag dhano kata mag jamni gin maga.

Wuok 34:20

To ngima kanyna makayo unyalo waro gi nyarombo, to ka ok udwar ware, to nyaka tur ng’ute. Ng’ato ka ng’ato nyaka war ngima wuode makayo, kendo onge ng’at ma nobi ira gi lwete nono.

Ezekiel 16:20

“Bang’e ne ikawo yawuowi kod nyiri mane isenywolona, mi ichiwo ka misango ni nyiseche manono. Iparo ni wech mane iweyago ne gima tin,

Ezekiel 44:30

Gin ema giniyud cham mabeyo duto mokwongo chiek mochiwna. E kinde ka kinde ma ji otedo makati, to ginimi jodolo makati mokwong tedi kaka chiwo mondo oguedh miechgi.

Tim jo-Lawi 27:26

“To chiayo mokwong nywolo kik ng’ato chiw ni Ruoth Nyasaye, nikech gik moko duto mokwong nywolo gin mag Ruoth Nyasaye. Bed ni gin dhok kata rombe, to gin mag Ruoth Nyasaye.

Kwan 18:15

“Nyithindo makayo duto michiwo ni Ruoth Nyasaye nobed mau, bed ni gin mag dhano kata mag le. To nyaka war nyitnindo duto makayo mag dhano kod mag le ma ok ler.

Kwan 3:12

“Aseyiero jo-Lawi kuom jo-Israel kar nyithindo makayo duto ma mond Israel onywolo. Kuom mano, jo-Lawi gin joga,

Kwan 3:13

nimar nyithindo duto makayo gin maga. Chieng’ mane anego nyithindo duto makayo e piny Misri ne awalo nyithind Israel makayo duto obed maga, bed ni gin mag dhano kata mag le. Gin maga. An e Ruoth Nyasaye.”

Kwan 8:17

nikech nyathi moro amora ma dichwo mokwong nywol e Israel en mara, bed ni en nyathi dhano kata nyathi chiayo. Chieng’ mane anegoe nyithindo makayo e piny Misri, nawalo nyithindo makayo duto e piny Israel mondo obed maga,

Luka 2:23

kaka ondik e chik Ruoth Nyasaye ni, “Nyathi ka nyathi ma wuowi makayo nyaka wal ni Ruoth.”

Rapar mar Chik 15:19

“Waluru kach jambu machwo duto ni Ruoth Nyasaye ma Nyasachu. Kik uket ruedhi ma jou okuongo nywolo e tich, bende kik ung’ad yie imbe ma rombu okuongo nywolo,