Wuok 12:48 - MUMA MALER 2015

⁴⁸ Kapo ni nitie jadak moro kuomu ma dwaro timo Pasaka ni Ruoth Nyasaye, to nyaka ukuong uter joge machwo duto nyangu, eka onyalo riwore kodu e timo sawono, mi koro nokwane ka ja-Israel hie. To ng’at ma ok oter nyangu kik chame.

Motingʼo Loko Manyien

⁴⁸ “Koponi nitie japiny moro modak e dieru modwaro timo ne Jehova Nyasaye Pasaka, to en kaachiel gi joge machwo nyaka tergi nyangu, eka onyalo riwore kodu e timo sawoni bangʼe nokwane kaka achiel kuom jo-Israel. Onge ngʼato angʼata madichwo ma ok oter nyangu ma oyiene chamo sawo mar Pasakani.

Wuok 12:48 ပူးပေါင်းရင်းမြစ်များ

Kwan 9:14

“Ka japiny moro odak kuomu, to en bende nyaka otim ni Ruoth Nyasaye Sap Pasaka, koluwo chike moketi duto. Chik achielno omako jadak gi ja-Israel machalre.”

Jo-Kolosai 3:11

E ngimau manyienni, onge ja-Yahudi kata ng’ama ok ja-Yahudi; onge ng’ama oter nyangu kata ng’ama ok oter nyangu. Kendo onge misumba kata ng’ama ni thuolo. Bende onge ng’ama ok osomo gi jamaranda. To Kristo en duto kendo kuom duto.

Jo-Galatia 3:28

Kuom mano onge pogruok e kind jo-Yahudi, kata e kind wasumbini gi joma ni thuolo, kata e kind chwo gi mon, nikech uduto un achiel kuom Kristo.

Ezekiel 47:22

mondo obed mwandugi mosiko. Jopinje mamoko modak kuomu, kendo mosenywolo nyithindgi e pinyu, bende nyaka yud lowo ka upogo piny. Nyaka kwan gi ka jo-Israel hie.

Wuok 12:43

Ruoth Nyasaye nowacho ni Musa gi Harun niya, “Magi e chike monego urit kitimo Pasaka: Jodak kik chame,

Wuok 12:19

Kuom ndalo abiriyogo kik thowi bedie uteu, nikech ng’at mochamo gimoro moketie thowi nong’ad kare oko kuom oganda jo-Israel, bed ni en japiny kata jadak.

Ezekiel 44:9

“An Ruoth Nyasaye awacho kama: Japiny moro amora ma ok ter nyangu kendo mochaya ok nochak odonj e Hekaluna kata obed mana japiny moro modak e Israel.

Chakruok 17:11

Chakre kawuono, nyaka uter nyathi ka nyathi ma wuowi nyangu ka en gi ndalo aboro, kata en nyathiu, kata nyathi misumba mong’iew kuom oganda moro. Mano biro nyiso ni nitie singruok e kinda kodu.

Ezekiel 14:7

E kinde duto ma ja-Israel kata japiny moro modak kuom jo-Israel oweya, mi olamo nyiseche manono, kendo oyie nyisechego otere e richo, to eka pod biro mondo openj wach kuom janabi, an awuon ema nadwoke!

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.