Wuok 12:41 - MUMA MALER 2015

⁴¹ To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Motingʼo Loko Manyien

⁴¹ Chiengʼ mane higni mia angʼwen gi piero adekgo orumo ema ne oganda Jehova Nyasaye duto owuokie piny Misri.

Wuok 12:41 ပူးပေါင်းရင်းမြစ်များ

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

1 Ruodhi 6:1

E higa mar mia ang’wen gi piero aboro bang’ wuok jo-Israel Misri, kane Solomon osebet ruodh Israel higni ang’wen, nochako gero Hekalu mar Ruoth Nyasaye, e due mar ariyo miluongo ni Zif.

2 Weche mag Ndalo 14:12

Eka Ruoth Nyasaye nomiyo Asa gi jo-Juda oloyo jo-Kush, mi jo-Kush noringo.

Zaburi 102:13

Ibiro a malo mi ikech Sayun, nikech kinde osechopo monego kechee, bende mae sa mowinjore.

Zaburi 114:1

E kinde mane jo-Israel ma nyikwa Jakobo owuokie Misri, ma piny jomoko nono,

Zaburi 136:11

Ne ogolo jo-Israel e piny Misri. Herane mosiko ochwere.

Wuok 12:17

Nyaka utim sawo mar makati ma ok ketie thowi, nikech chieng’no ema nagolie ogendu e piny Misri. Tiengeu duto nyaka rit odiechieng’no mondo obed chieng’ sawo mochwere.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:16

Timni nyaka bednu rapar, mana ka kido manie lwetu kata ka ranyisi manie lend wang’u, nikech Ruoth Nyasaye nogolowa Misri gi tekone maduong’.’ ”

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Wuok 3:10

Omiyo koro abiro ori ir Farao mondo igol joga ma jo-Israel oa e piny Misri.”

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Wuok 6:26

Ma e Harun nogo, kaachiel gi Musa, mane Ruoth Nysaye owachonigi niya, “Goluru jo-Israel e piny Misri kochan-gi e dhoutgi.”

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Tim jo-Lawi 23:43

Mondo omi nyikwau opar kaka namiyo jo-Israel odak e kiche ka ne agologi e piny Misri. An e Ruoth Nyasaye ma Nyasachu.”

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Kwan 23:22

Nyasaye, ma nogologi e piny Misri, tekone chalonigi gi teko jowi.

Kwan 33:1

Kane Musa gi Harun otelo ni jo-Israel e dhoutgi ka giwuok e piny Misri,

Johana 7:8

Un, dhiuru adhiya e sawono. An to ok adhi, nikech kindena pok ochopo.”

Tich Joote 1:7

To nodwokogi ni, “Ok en wachu ng’eyo kinde ma gik ma kamago biro timoree, nikech Wuora oseketonigi ndalo ma gibiro timoree gi tekone owuon.

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Rapar mar Chik 16:1

“Nyaka utim Sap Pasaka e due mar Abib, nimar dueno ema ne Ruoth Nyasaye ma Nyasachu ogolou e Misri gotieno.

Rapar mar Chik 4:37

Nohero kwereu, moyiero nyikwagi, omiyo en owuon nogolou Misri gi tekone maduong’,

Joshua 24:5

Bang’e naoro Musa kod Harun, kendo nakelo chandruok mathoth ni jo-Misri, eka nagolou kuno.

Joshua 5:14

Ng’atno nodwoke niya, “An ka kaka jaduong’ jolweny mag Ruoth Nyasaye.” Joshua nogoyo chonge piny, mokulore nyaka e lowo, mowacho niya, “Ang’o midwaro mondo atim ruodha?”