Wuok 12:38 - MUMA MALER 2015

³⁸ Oganda maduong’ mar ji mamoko kaachiel gi jamni bende nodhi kodgi.

Motingʼo Loko Manyien

³⁸ Oganda mamoko mathoth bende nodhi kodgi kaachiel gi kweth mangʼeny mag chiayo ma gin jamni kod kweth mangʼeny mag dhok.

Wuok 12:38 ပူးပေါင်းရင်းမြစ်များ

Nehemia 13:3

Kane ji owinjo chikno, ne gigolo jo-Israel ma anywola mondo oa kuomgi.

Wuok 10:9

Musa nodwoke niya, “Wabiro dhi waduto, joma tindo kod joma dongo, nyiri gi yawuowi, kaachiel gi jamni duto, nimar waduto nyaka watim ni Ruoth Nyasaye sawo.”

Wuok 17:3

To ji ne riyo oloyo malich, omiyo ne giywakne, ka giwacho niya, “Ere gimomiyo nigolowa Misri gi nyithindwa kod jambwa mondo riyo obi onegwa?”

Tim jo-Lawi 24:10

Ne nitie ng’at moro e kambi jo-Israel ma min mare ne nyar Israel, to wuon mare ne ja-Misri. Nying min mare ne Shelomith, nyar Dibri ma ja-Dan. Jalo nodhi modhaw gi ja-Israel moro.

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Kwan 11:4

Ne nitie joma yoreyore moa e ogendini mopogore opogore, mane wuotho gi jo-Israel. Chuny jogo nochako gombo gik mopogore opogore. Jo-Israel bende nochako ywak, kapenjo ni “Onge ng’at ma dimiwae ring’o ngang’?

Kwan 20:19

To jo-Israel nowacho niya, “Donge wabiro mana luwo Ndara? To kata ka wan gi jambwa wamodho piu to wanachulu. Omiyo wewauru wang’ad ang’ada.”

Kwan 32:1

Jo-Reuben kod jo-Gad ne nigi jamni mang’eny, kendo kane gineno ka piny Jazer kod piny Gilead nigi lege mabeyo,

Rapar mar Chik 3:19

Mak mana mondu gi nyithindu kod jambu ema mondo odong’; e mier masemiyougo. (Ang’eyo ni un gi jamni mathoth.)

Joshua 8:35

Ne ok oweyo kata wach achiel kuom weche mane Musa osechiko, to nosomogi duto gi dwol maduong’ ni jo-Israel duto, machwo gi mamon gi joma tindo, kod joma nobiro kodgi.