Wuok 12:37 - MUMA MALER 2015

³⁷ Jo-Israel nochako wuoth Rameses kochomo Sukoth. Ne gin ji alufu mia auchiel ka ok okwan mon gi nyithindo.

Motingʼo Loko Manyien

³⁷ Jo-Israel nowuok Rameses kochomo Sukoth; ne gin ji madirom alufu mia auchiel ka ok okwan mon kod nyithindo.

Wuok 12:37 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 15:5

Bang’e Ruoth Nyasaye nogole oko mowachone niya, “Ng’i malo, kendo kwan sulwe kinyalo.” Eka nomedo wachone ni, “Nyikwayi bende nobed mang’eny ka suluego.”

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

Chakruok 47:11

Bang’e Josef nomiyo wuon mare gi owetene puothe kuonde mabeyo e Misri e gweng’ Rameses, kaka Farao nochiko.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 10:9

Musa nodwoke niya, “Wabiro dhi waduto, joma tindo kod joma dongo, nyiri gi yawuowi, kaachiel gi jamni duto, nimar waduto nyaka watim ni Ruoth Nyasaye sawo.”

Wuok 13:20

Ne gia Sukoth, mi giwuotho nyaka Etham man e lak thim.

Wuok 38:26

Fedhago ema ne ochok ka ne ng’ato ka ng’ato mokwan ogolo nus-shekel, nimar kar romb joma ne okwan ma hikgi oromo piero ariyo kata mokadho kanyo ne alufu mia auchiel gadek, kod mia abich gi piero abich (603,550). Nus shekelno nopim gi rapim mitiyogo tich Nyasaye.

Kwan 1:2

Dhiyo ikwan oganda jo-Israel duto e dhoutgi kaluwore gi kweregi,

Kwan 1:46

Kar rombgi ne alufu mia auchiel gadek gi mia abich gi piero abich.

Kwan 11:21

Musa nodwoko Ruoth Nyasaye niya, “An gi jolweny alufu mia auchiel, to in iwacho ni ibiro miyogi ring’o ma gichamo kuom due achiel ngima!

Kwan 2:32

Mago e jo-Israel mane okwan kaluwore gi dhoutgi. Kar romb ji duto e kambi, kochan e ogendgi mag lweny romo ji alufu mia auchiel gi adek, gi mia abich gi piero abich.

Kwan 26:51

Kamano kar romb jo-Israel duto ne ji alufu mia auchiel gi achiel, kod mia abiriyo gi piero adek. (601,730)

Kwan 33:3

Jo-Israel noa Ramases chieng’ due apar gabich mar due mokwongo, ma en chieng’ maluwo chieng’ Pasaka. Ne giwuok ka jo-Misri nenogi, to ne ok gidewo.

Kwan 33:5

Jo-Israel noa Ramases, modhi oguro kambi Sukoth.