Wuok 12:3 - MUMA MALER 2015

³ Nyis jo-Israel duto kama: Chieng’ due apar mar dueni ng’ato ka ng’ato nyaka yier nyarombo kata nyadiel ni joode, tiende ni chiayo achiel ni ot ka ot.

Motingʼo Loko Manyien

³ Nyis oganda duto mar Israel ni odiechiengʼ mar apar mar dweni, ngʼato ka ngʼato nyaka gol achiel kuom nyirombe ne joode, nyarombo achiel ne ot ka ot.

Wuok 12:3 ပူးပေါင်းရင်းမြစ်များ

Chakruok 22:8

Ibrahim nodwoke ni, “Wuoda, Nyasaye owuon ema biro miyowa rombo.” Bang’ mano ne gidhi nyime gi wuodhgi kanyakla.

Chakruok 4:4

Habil bende nokelo jambe ma nokwong nywol. Noyang’o mochiwo bochegi ni Ruoth Nyasaye. Ruoth Nyasaye nobedo mamor gi Habil kod chiwone,

2 Weche mag Ndalo 35:7

Eka Josia nochiwo ni joma nosechokore nyirombe gi nyidiek moromo alufu piero adek, kod ruedhi alufu adek, mondo otimgo misango mar Pasaka. Mago duto nochiwo kogolo kuom mwandune owuon.

Wuok 12:2

“Dueni ema biro bedonu due mokwongo mar higa.

Wuok 12:21

Musa noluongo jodong Israel duto, mowachonigi niya, “Ng’ato ka ng’ato mondo odhi oyier nyarombo kata nyadiel ni joode, mondo unegi kutimogo Pasaka.

Wuok 12:4

To kapo ni joot moro nok ahinya ma chiayo ngima ohingo, to wuon odno kod ng’at modak bute nyaka riwre e chiayono. Nyaka upim gima ng’ato ka ng’ato nyalo chamo, mondo ung’ego kar romb joma oromo chiayo achiel.

Wuok 12:6

Kanuru chiayogo nyaka chop chieng’ mar apar gang’wen mar dueni, eka oganda jo-Israel duto mondo oneggi ka piny dwaro yuso.

Wuok 14:15

Ruoth Nyasaye nowacho ni Musa niya, “Marang’o iywakna? Wach ni jo-Israel odhi adhiya nyime.

Wuok 20:19

Ne giwacho ni Musa niya, “In ema mondo iwuo kodwa, to wabiro winjo wachni. To ka Nyasaye ema owuoyo kodwa, to wabiro tho.”

Wuok 4:30

Harun nonyisogi weche duto mane Ruoth Nyasaye owacho ni Musa, kendo notimo honnigo duto e nyimgi,

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Ezekiel 40:1

Due apar mar higa manyien, ma en higa mar apar gang’wen bang’ kawo Jerusalem, kane wasetieko higni piero ariyo gabich e tuech, ne awinjo ka teko mar Ruoth Nyasaye obiro kuoma, mi oting’a.

Tim jo-Lawi 1:2

Nyis jo-Israel ni ka ng’ato kuomgi chiwo chiayo mondo otimna misango, to chiayono nyalo bet dhiang’ kata diel kata rombo.

Tim jo-Lawi 5:6

to nyaka okel ni Ruoth Nyasaye chiayo madhako, ma rombo kata diel, kuom ketho mosetimono mondo otimgo misango mar golo richo. Eka jadolo nopwodhnego kethoneno, mi nowene.

Kwan 15:11

Mano e gima nyaka utim ni rwath ka rwath, kata ni im ka im, kata ni nyarombo ka nyarombo.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 1:36

Noneno Yesu ka wuotho, mowacho niya, “Neuru! Jalcha e Nyarombo mar Nyasaye!”

Johana 12:1

Kane pod ndalo auchiel, to chop Sap Pasaka, Yesu nodhi Bethania, dala gi Lazaro mane osechiero.

Johana 12:12

Kinyne, oganda maduong’ mane osebiro e Sawo nowinjo ni Yesu biro Jerusalem.

1 Jo-Korintho 5:7

Pukuru thowi machon mar richono mondo ubed maler chutho, eka unubed ka mogo modwal manyien, maonge thowi. To adier, kamano e kaka uchalo. To bende Kristo, ma en nyarombowa mar Pasaka, osetimnwago misango.

Joshua 7:14

Kiny gokinyi giniwuog oko libamba ka libamba, kendo libamba ma Ruoth Nyasaye okwanyo nowuog oko dhoot ka dhoot. To dhoot ma Ruoth Nyasaye okwanyo nowuog oko anywola ka anywola.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

1 Samuel 7:9

Omiyo Samuel nokawo nyarombo madhoth, mochiwo ni Ruoth Nyasaye ka misango miwang’o pep. Eka nokwayo Ruoth Nyasaye mondo ores jo-Israel, mi Ruoth Nyasaye nowinjo kwayone, modwoke.