Wuok 12:29 - MUMA MALER 2015

²⁹ E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Motingʼo Loko Manyien

²⁹ E dier otieno tir Jehova Nyasaye nonego nyithindo ma yawuowi makayo duto mag jo-Misri, kochakore gi kach ruoth Farao mane ni e kom duongʼ nyaka kach joma ni e od twech, kaachiel gi nyithindo makayo duto mag jamni.

Wuok 12:29 ပူးပေါင်းရင်းမြစ်များ

Chakruok 15:14

To nakum jopiny ma notimnigi kamano, kendo bang’e ginia kuno gi mwandu mogundho.

Ayub 34:20

Ji nyalo tho apoya gotieno. Nyasaye negogi mi gilal nono, kendo kata joma rateke onego ma ok othage.

Zaburi 105:36

Ne onego nyithindo machwo makayo duto, ma yawuot Misri mabeyoe moloyo.

Zaburi 135:8

Ne onego nyithindo makayo duto mag dhano gi mag le e piny Misri,

Zaburi 136:10

Ruoth Nyasaye nonego yawuot Misri makayo. Herane mosiko ochwere.

Zaburi 78:50

Ne ok ogeng’o mirimbe, kendo kata mana weyo ngima jo-Misrigo, ne ok oweyo, to nonegogi anega gi tuo malich.

Zaburi 78:51

Adier, nonego nyithindo machwo makayo mag Misri duto, ma yawuowi mabeyoe moloyo ma nyikwa Ham.

Wuok 11:1

Ruoth Nyasaye nowacho ni Musa niya, “Koro odong’ masira achiel ma abiro kelo ni Farao gi jo-Misri. Eka noweu udhi. To ok mano kende, to noriembu mana kaka ng’at ma riembo chiege.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 12:28

Ne gidhi, mi girito wechego, kendo gitimo gima Ruoth Nyasaye nochiko Musa gi Harun.

Wuok 13:15

Kane Farao otamore weyowa mondo waa, Ruoth Nyasaye nonego nyithindo makayo duto, mag dhano gi mag jamni, e piny Misri. Mano emomiyo watimo ni Nyasaye misango gi nyithind jamni machwo makayo duto, to wawaro nyithindwa makayo kwachiwo gik moko kargi.

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Wuok 9:6

Kinyne Ruoth Nyasaye notimo kaka nowacho, mi jamb jo-Misri duto notho, to chiach jo-Israel ne ok otho kata achiel.

Isaya 24:22

Enochokgi mana ka joma omaki, mi ketgi e od tuech nyaka chop yalgi, kendo kumgi.

Isaya 41:11

Koro neuru! Jogu duto ma mon kodu wigi biro kuot, mi gidhier nono. Adier, jogo duto ma kedo kodu norum mi lal nono.

Isaya 51:14

Misumba ma tich turo ibiro gonyo machiegni. Ok enotho, mi odhi e Piny Joma Otho, kata mana chiemo bende ok nochandi.

Jeremia 38:13

eka ne giywaye gi tonde, mi gigole oko. Bang’ mano ne olorne alora e laru mar od jorit.

Jeremia 38:6

Kuom mano ne gikawo Jeremia, mi ginyumo e soko jaduong’ Malkia, mane nie laru mar od jorit. Sokono ne onge pi, mak mana chuodho, omiyo ne gilore piny, e iye gi tonde, mi onyumore e chuodho.

Habakuk 3:5

Tho malich otelo e nyime, to dera luwo bang’e.

Zekaria 9:11

“To un, abiro duoko jou motue, ka agolo e bur motwo maonge pi, nikech singruok mane utimo koda gi remb misango.

Kwan 3:13

nimar nyithindo duto makayo gin maga. Chieng’ mane anego nyithindo duto makayo e piny Misri ne awalo nyithind Israel makayo duto obed maga, bed ni gin mag dhano kata mag le. Gin maga. An e Ruoth Nyasaye.”

Kwan 33:4

Jo-Misri noyudo yiko nyithindgi makayo duto mane Ruoth Nyasaye onego, kang’adogo bura ni nyisechegi.

Kwan 8:17

nikech nyathi moro amora ma dichwo mokwong nywol e Israel en mara, bed ni en nyathi dhano kata nyathi chiayo. Chieng’ mane anegoe nyithindo makayo e piny Misri, nawalo nyithindo makayo duto e piny Israel mondo obed maga,

Jo-Hibrania 11:28

Yie bende ema ne omiyo oloso Sap Pasaka, kendo okiro remo e sirni mag dhoudi, mondo Malaika ma Janek kik mul jo-Israel makayo.

Jo-Hibrania 12:23

En chokruok mar nyithind Nyasaye makayo, ma nyinggi ondiki e polo. Uchung’ e nyim Nyasaye ma Jang’ad Bura ni ji duto, kendo e nyim chuny joma beyo ma Nyasaye osemiyo odoko joma kare.