Wuok 12:21 - MUMA MALER 2015

²¹ Musa noluongo jodong Israel duto, mowachonigi niya, “Ng’ato ka ng’ato mondo odhi oyier nyarombo kata nyadiel ni joode, mondo unegi kutimogo Pasaka.

Motingʼo Loko Manyien

²¹ Eka Musa noluongo jodong Israel duto mowachonegi niya, “Dhiuru mondo ngʼato ka ngʼato oyier nyarombo kata nyadiel ne joode kendo uyangʼ-gi ka utimogo Pasaka.

Wuok 12:21 ပူးပေါင်းရင်းမြစ်များ

2 Ruodhi 23:21

Ruoth nochiko ji duto ni mondo otim Pasaka ni Ruoth Nyasaye ma Nyasachgi, kaka ondiki e Kitap Singruok.

Ezra 6:20

Noyudo ka jodolo gi jo-Lawi duto osepwodhore, omiyo ne ginego nyirombe mag Pasaka ni ji duto ma noa e tuech, kaachiel gi jowetegi ma jodolo, kendo ni gin giwegi.

Wuok 12:11

“Nyaka uchame kutueyo okanda e nungou, kendo kurwako wuoche e tiendu, kendo kumako ludhe e lwetu; to bende nyaka uchame piyopiyo. En sap Pasaka mar Ruoth Nyasaye.

Wuok 12:20

Kik ucham gimoro moketie thowi, to nyaka ucham mana makati ma ok ketie thowi kamoro amora mudakie.”

Wuok 12:3

Nyis jo-Israel duto kama: Chieng’ due apar mar dueni ng’ato ka ng’ato nyaka yier nyarombo kata nyadiel ni joode, tiende ni chiayo achiel ni ot ka ot.

Wuok 17:5

Ruoth Nyasaye nodwoke niya, “Kaw jodong Israel moko mondo itelgo e nyim ji, kiting’o ludhi mane ichwadogo aora Nael.

Wuok 19:7

Omiyo Musa nodhi, mochoko jotend jo-Israel kanyakla, monyisogi weche duto mane Ruoth Nyasaye osewachone.

Wuok 3:16

Dhiyo mondo ichok jodong Israel kanyakla, kendo mondo iwachnigi ni Nyasach kweregi, ma Nyasach Ibrahim gi Isaka kod Jakobo osefwenyoreni, mochiki mondo iwachnigi niya, ‘Asebiro iru, kendo aseneno gima jo-Misri timonu.

Kwan 11:16

Ruoth Nyasaye nodwoko Musa niya, “Chok jodong Israel piero abiriyo ma ing’eyo ni jotend oganda. Kelgi e nyima e Hemb Romo kendo gichung’ kodi kanyo.

1 Jo-Korintho 10:4

kendo ne gimodho pi achiel mar chuny, nikech ne gimodho e lwanda mar chuny mane wuotho kodgi. Lwandano ne Kristo owuon.

Jo-Hibrania 11:28

Yie bende ema ne omiyo oloso Sap Pasaka, kendo okiro remo e sirni mag dhoudi, mondo Malaika ma Janek kik mul jo-Israel makayo.

Joshua 5:10

Kane jo-Israel obworo Gilgal e paw Jeriko, ne gitimo Pasaka godhiambo due apar gang’wen mar dueno.