Wuok 12:19 - MUMA MALER 2015

¹⁹ Kuom ndalo abiriyogo kik thowi bedie uteu, nikech ng’at mochamo gimoro moketie thowi nong’ad kare oko kuom oganda jo-Israel, bed ni en japiny kata jadak.

Motingʼo Loko Manyien

¹⁹ Kuom ndalo abiriyo thowi moro amora kik yud e uteu, kendo ngʼato angʼata mochamo gimoro amora moketie thowi nyaka ngʼad kare oko kuom oganda jo-Israel, bed ni en japiny moro kata ja-Israel.

Wuok 12:19 ပူးပေါင်းရင်းမြစ်များ

Wuok 12:15

Nyaka ucham makati ma ok ketie thowi kuom ndalo abiriyo. Chieng’ mokwongo, nyaka ugol thowi duto manie uteu, nimar ka ng’ato kuomu ochamo makati moketie thowi chakre chieng’ mokwongo nyaka chieng’ mar abiriyo to nong’ad kare oko kuom oganda jo-Israel.

Wuok 12:20

Kik ucham gimoro moketie thowi, to nyaka ucham mana makati ma ok ketie thowi kamoro amora mudakie.”

Wuok 12:43

Ruoth Nyasaye nowacho ni Musa gi Harun niya, “Magi e chike monego urit kitimo Pasaka: Jodak kik chame,

Wuok 12:48

Kapo ni nitie jadak moro kuomu ma dwaro timo Pasaka ni Ruoth Nyasaye, to nyaka ukuong uter joge machwo duto nyangu, eka onyalo riwore kodu e timo sawono, mi koro nokwane ka ja-Israel hie. To ng’at ma ok oter nyangu kik chame.

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 13:7

Makati ma ok ketie thowi, ema nucham kuom ndalo abiriyogo, to makati miketoe thowi, kata gimoro amora moket gi thowi, kik yud e pinyu duto.

Wuok 23:15

Unurit Sap Makati ma ok ketie Thowi kaka nachikou, kuchamo makati ma ok ketie thowi kuom ndalo abiriyo e kinde moketie e due mar Abib, ni mar dueno ema ne uae Misri. Kik ng’ato bi e nyima gi lwete nono.

Wuok 30:33

Ng’ato ang’ata ma nolos mo machal kamano, kata ma nowir kode ng’at ma ok jadolo nyaka ng’ad kare oko kuom jowetene.’ ”

Wuok 34:18

“Rituru Sawo mar Makati ma ok oketie Thowi, kaka asechiki. Nyaka ucham makati ma ok oketie thowi kuom ndalo abiriyo e ndalo mar Abib, nikech dueno ema ne ua e piny Misri.

Tim jo-Lawi 23:5

“Due apar gang’wen, due mokwongo chakre odhiambo, en chieng’ Pasaka mar Ruoth Nyasaye.

Kwan 9:13

Ka nga’to odagi timo pasaka, to ok ogak, kata ok odhi e wuoth kuma bor, to nyaka ng’ad kare oko kuom ogandagi, nikech ok osekelo ni Ruoth Nyasaye chiwo e kinde moketi. Ng’at ma kamano noyud kum kuom kethone.

Rapar mar Chik 16:3

Kik ucham sawono gi makati moketie thowi, to kuom ndalo abiriyo unucham mana makati ma ok ketie thowi, ma en ranyisi mar sandruoku, nikech nuwuok Misri kurikni. Mano nobednu rapar mochwere muparogo chieng’ mane uwuokie Misri.