Wuok 12:16 - MUMA MALER 2015

¹⁶ Chieng’ mokwongo kod chieng’ mar abiriyo, nyaka utim chokruok moyiedhi. Kuom ndalo ariyogo kik uti tich moro mak mana tij loso chiemo.

Motingʼo Loko Manyien

¹⁶ Chiengʼ mokwongo kod chiengʼ mar abiriyo nyaka ubed gi chokruok mowal. Kik utim tich moro amora kuom odiechiengego makmana loso chiemo ma ji duto chamo; mano kende e gima unyalo timo.

Wuok 12:16 ပူးပေါင်းရင်းမြစ်များ

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Wuok 16:29

Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”

Wuok 16:5

To chieng’ mar auchiel, ka gitedo gima gisechoko, to giniyud ni oromre diriyo gi mago michoko pile e odiechieng’ achiel.”

Wuok 20:10

to chieng’ mar abiriyo en chieng’ yweyo mowal ni Ruoth Nyasaye ma Nyasachu. Chieng’no, un kaachiel gi yawuotu kod nyiu, kata wasumbu machwo gi mamon, kata jambu, kata mana jodak manie miechu, kik ti tich moro,

Wuok 34:18

“Rituru Sawo mar Makati ma ok oketie Thowi, kaka asechiki. Nyaka ucham makati ma ok oketie thowi kuom ndalo abiriyo e ndalo mar Abib, nikech dueno ema ne ua e piny Misri.

Isaya 1:13

Gik muchiwona onge tich, kendo tikgi dwaro ng’oga! Bende sewni mutimo ka due opor, kendo mutimo e kinde mag Sabato, ojoga. Chokruok mutimo, gi ndalou mag tueyo chiemo kod sewni mamoko bende ok adwar.

Tim jo-Lawi 23:21

Unugo milome mar chokruok maler chieng’ onogo, kendo ok unuti tijeu mapile. Mano en chik momakou gi nyikwau nyaka chieng’, kamoro amora mudakie.

Tim jo-Lawi 23:27

mondo onyis jo-Isarel niya, “Due apar due mar abiriyono nobednu chieng’ migolonue richo. Enobed chokruok maler ma nyaka uriye kech, kendo uchiwie ni Ruoth Nyasaye misango miwang’o.

Tim jo-Lawi 23:35

Chieng’ mokwongo nobedie chokruok maler ma kik utiye tijeu mapile.

Kwan 28:18

Chieng’ mokwongo to nyaka ubed gi chokruok mar lemo, kendo ok unuti tijeu mapile chieng’no.

Kwan 28:25

Chieng’ mar abiriyo bende nyaka ubed gi chokruok maler, kendo ok unuti tijeu mapile.

Kwan 28:26

“Chieng’ muchiwoe chamb gwel, ka ukelo ni Ruoth Nyasaye chiwo mar cham manyien e Sap Jumbe, to nyaka ubed gi chokruok maler, kendo ok nuti tijeu mapile.

Kwan 29:1

“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

Kwan 29:12

“Due apar gabich due mar abiriyo, nyaka ubed gi chokruok mar lemo. Ok unuti tijeu mapile, to nyaka utim ni Ruoth Nyasaye sawo kuom ndalo abiriyo.

Johana 19:31

Ne en chieng’ motelo ni chieng’ Sabato. Omiyo jo-Yahudi nodhi mokwayo Pilato mondo oyienigi gitur tiend joma ne ogurgo, otho. Ne gikwayo kamano mondo gigol jogo oko e msalaba, kik ringregi bedi e msalaba chieng’ Sabato, nikech chieng’ Sabato ne en chieng’ maduong’.

Rapar mar Chik 16:8

Chamuru makati ma ok ketie thowi kuom ndalo auchiel, to chieng’ mar abiriyo nyaka ubed gi chokruok kaka Ruoth Nyasaye ma Nyasachu dwaro, kendo kik uti tich moro amora chieng’no.