Wuok 12:14 - MUMA MALER 2015

¹⁴ “Odieching’no nobednu chieng’ rapar, omiyo nyaka urite ka sawo mochwere ni Ruoth Nyasaye kuom tiengeu duto.

Motingʼo Loko Manyien

¹⁴ “Ma en odiechiengʼ manyaka upar ne tiengeu duto mabiro kendo nyaka urite ka sawo mochwere ni Jehova Nyasaye.

Wuok 12:14 ပူးပေါင်းရင်းမြစ်များ

2 Ruodhi 23:21

Ruoth nochiko ji duto ni mondo otim Pasaka ni Ruoth Nyasaye ma Nyasachgi, kaka ondiki e Kitap Singruok.

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Zaburi 135:13

A Ruoth Nyasaye, nyingi nosiki nyaka chieng’, kendo humbi nolagi kuom tienge duto mabiro.

Wuok 12:17

Nyaka utim sawo mar makati ma ok ketie thowi, nikech chieng’no ema nagolie ogendu e piny Misri. Tiengeu duto nyaka rit odiechieng’no mondo obed chieng’ sawo mochwere.

Wuok 12:24

“Rituru chikegi mochwere kaachiel gi nyithindu.

Wuok 12:43

Ruoth Nyasaye nowacho ni Musa gi Harun niya, “Magi e chike monego urit kitimo Pasaka: Jodak kik chame,

Wuok 12:6

Kanuru chiayogo nyaka chop chieng’ mar apar gang’wen mar dueni, eka oganda jo-Israel duto mondo oneggi ka piny dwaro yuso.

Wuok 23:15

Unurit Sap Makati ma ok ketie Thowi kaka nachikou, kuchamo makati ma ok ketie thowi kuom ndalo abiriyo e kinde moketie e due mar Abib, ni mar dueno ema ne uae Misri. Kik ng’ato bi e nyima gi lwete nono.

Wuok 27:21

Tayano nyaka bed ei Hemb Romo ma Nyasaye romoe gi joge, gi yoka oko mar pasia mogeng’o Sandug Rapar. Harun gi yawuote nyaka rite pile mondo oliel e nyim Ruoth Nyasaye, chakre odhiambo nyaka piny ru. Chikni omako jo-Israel kod nyikwagi nyaka chieng’.

Wuok 5:1

Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Ezekiel 46:14

Bende misango mar mogo moromo kilo ariyo nyaka tim okinyi kokinyi, kendo nyaka chiwe gi mor zeituni moromo lita achiel, midwalego. Chike mag misango mitimo ni Ruoth Nyasaye nyaka sik mochwere.

Tim jo-Lawi 23:6

To Sap Makati ma ok ketie thowi mar Ruoth Nyasaye chakore tarik apar gabich mar dueno. Unucham makati ma ok ketie thowi kuom ndalo abiriyo.

Zekaria 6:14

To Heldai gi Tobia gi Jedaya kod Josia wuod Zefania ema nobed karito osimbo kaka rapar e Hekalu mar Ruoth Nyasaye.”

Kwan 10:8

Jodolo ma joka Harun ema omi tich goyo tung’. Mano en chik momakou gi nyikwau nyaka chieng’.

Kwan 15:15

En mana chik achiel ma omakou kaachiel gi japiny moro modak kuomu, kendo omako nyikwau nyaka chieng’. Un gi jodak uchalru e nyim Ruoth Nyasaye.

Kwan 16:40

mondo obed rapar ni jo-Israel ni ng’ato ang’ata ma ok jadolo, kendo ma ok jaka Harun kik wang’ ubani ni Ruoth Nyasaye, nono to otho mana kaka Korah kod joge. Mago duto notimore mana kaka Ruoth Nyasaye nomiyo Musa ochiko Eleazar.

Kwan 18:8

Ruoth Nyasaye nochako owacho ni Harun niya, “An awuon aketo e lweti mich duto, tiende ni chiwo maler duto ma jo-Israel okelo. Amiyigi ka pokni kaachiel gi nyikwayi, kaluwore gi chik mochwere.

Mathayo 26:13

Awachonu adier ni kamoro amoro ma nolandie wach maber man kuomani e piny duto to gima dhakoni osetimo bende nohul, kiparego.”

Luka 22:19

Eka nokawo makati, kendo kosegoyo ni Nyasaye erokamano, nong’ingo makatino, kowacho ni, “Ma e ringra mochiw nikech un. Timuru kamano mondo uparago.”

Rapar mar Chik 16:1

“Nyaka utim Sap Pasaka e due mar Abib, nimar dueno ema ne Ruoth Nyasaye ma Nyasachu ogolou e Misri gotieno.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Rapar mar Chik 6:8

Tuegiuru ka ranyisi e lwetu, kendo mien-giuru e lend wang’u ka kido,

Joshua 4:7

to ununyisgi kaka pi aora Jordan noduono kane Sandug Muma mar Ruoth Nyasaye kadho. Kamano kitego nobed rapar ni jo-Israel ndalo duto.”

1 Samuel 30:25

Chakre chieng’no nolokore tim jo-Israel nyaka chil kawuono.