Wuok 12:11 - MUMA MALER 2015

¹¹ “Nyaka uchame kutueyo okanda e nungou, kendo kurwako wuoche e tiendu, kendo kumako ludhe e lwetu; to bende nyaka uchame piyopiyo. En sap Pasaka mar Ruoth Nyasaye.

Motingʼo Loko Manyien

¹¹ Ma e kaka onego uchame: Ka utweyo okanda enungou, ka urwako wuoche e tiendu kendo umako luth e lwetu; nyaka une ni uchame piyo nikech en sawo mar Pasaka mar Jehova Nyasaye.

Wuok 12:11 ပူးပေါင်းရင်းမြစ်များ

2 Ruodhi 23:21

Ruoth nochiko ji duto ni mondo otim Pasaka ni Ruoth Nyasaye ma Nyasachgi, kaka ondiki e Kitap Singruok.

Wuok 12:13

Remb nyirombego nobed kido ma nyiso udi mudakie, kendo kaneno remono to anakadhu, mi masich tho magoyogo piny Misri ok nomaku.

Wuok 12:21

Musa noluongo jodong Israel duto, mowachonigi niya, “Ng’ato ka ng’ato mondo odhi oyier nyarombo kata nyadiel ni joode, mondo unegi kutimogo Pasaka.

Wuok 12:27

to unudwokgi ni, ‘En misango mar Pasaka mitimo ni Ruoth Nyasaye nikech nokadho ut jo-Israel e piny Misri konego jo-Misri, to oweyo miechwa.’ ” Kane Musa otieko wuoyo, jo-Israel nogoyo chonggi piny molemo.

Wuok 12:43

Ruoth Nyasaye nowacho ni Musa gi Harun niya, “Magi e chike monego urit kitimo Pasaka: Jodak kik chame,

Isaya 52:12

To ok unuwuog kurikni, kendo ok noriembu, nikech Ruoth Nyasaye ma Nyasach Israel ema biro telo nyimu, kendo en bende ema obiro dong’nu chien.

Ezekiel 45:21

Chieng’ due apar gang’wen unuchak timo sawo mar Pasaka, kendo kuom ndalo abiriyo ng’ato ka ng’ato nyaka cham makati ma ok ketie thowi.

Tim jo-Lawi 23:5

“Due apar gang’wen, due mokwongo chakre odhiambo, en chieng’ Pasaka mar Ruoth Nyasaye.

Kwan 28:16

“Nyaka utim Pasaka mar Ruoth Nyasaye due apar gang’wen mar due mokwongo,

Kwan 9:1

E due mokwongo mar higa mar ariyo kane jo-Israel osewuok e piny Misri, Ruoth Nyasaye nowacho ni Musa e thim Sinai niya,

Luka 12:35

“Ng’wanuru lepu, kendo mokuru techeu mondo ubed moikore.

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

Luka 2:41

Higa ka higa, jonywol Yesu ne dhi Jerusalem e Sawo mar Pasaka.

Luka 7:38

mi obiro mochung’ ka dieng’e Yesu, but tiende. Noywak, kendo pi wang’e nolwoko tiend Yesu. Eka noyweyo tiend Yesu gi yie wiye, mi onyodho, kendo owiro gi mo mang’ue ng’arno.

1 Jo-Korintho 5:7

Pukuru thowi machon mar richono mondo ubed maler chutho, eka unubed ka mogo modwal manyien, maonge thowi. To adier, kamano e kaka uchalo. To bende Kristo, ma en nyarombowa mar Pasaka, osetimnwago misango.

Jo-Efeso 6:15

kendo rwakuru ikruok mar lando Wach Maber mar kue ka wuocheu.

Rapar mar Chik 16:1

“Nyaka utim Sap Pasaka e due mar Abib, nimar dueno ema ne Ruoth Nyasaye ma Nyasachu ogolou e Misri gotieno.

Joshua 5:10

Kane jo-Israel obworo Gilgal e paw Jeriko, ne gitimo Pasaka godhiambo due apar gang’wen mar dueno.

1 Petro 1:13

Emomiyo beduru motang’, ka parou bith. Keturu chunyu duto kuom gueth ma Yesu Kristo biro kelonu kuom ng’wonone ka obiro.