Wuok 11:2 - MUMA MALER 2015

² Koro nyis ji ni ng’ato ka ng’ato ma dichwo kata ma dhako mondo okwa gik molos gi fedha kod dhahabu kuom jogweng’gi.”

Motingʼo Loko Manyien

² Nyis oganda ni chwo kaachiel gi mon mondo omi jobathgi gik molos gi fedha kod dhahabu.”

Wuok 11:2 ပူးပေါင်းရင်းမြစ်များ

Chakruok 24:53

Eka nomiyo Rebeka gik moko mag fedha gi mag dhahabu, kaachiel gi lewni. Owadgi Rebeka kod min-gi bende nomiyo chiwo moko ma nengogi tek.

Chakruok 31:9

Kamano Nyasaye osegolo jamni kuom wuonu, momiya.

Zaburi 105:37

Eka ne otelo ni jo-Israel, mogolo e piny Misri, ka giting’o fedha gi dhahabu. Giduto ne dendgi ber kendo gijing’.

Zaburi 24:1

Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

Wuok 3:21

“Anami jo-Misri geno jogi, mi ka uwuok to ok unudhi gi lwetu nono.

Wuok 3:22

Dhako ka dhako nodwar gik moko mag fedha kod dhahabu, kaachiel gi lewni kuom jagweng’gi, kendo kuom dhako moro amora modak kode e ode. Unurwak nyithindu gi gigo, kendo mano e kaka unuyak jo-Misri.”

Wuok 32:24

Omiyo nawachonigi mondo joma nigi dhahabu oded oko. Ne gimiya dhahabugo, mabolo e mach, mi nyaroyano ema owuok.”

Wuok 35:22

Mon gi chwo nobiro, kendo ng’ato ka ng’ato ma noyie golo chiwo nokelo ngaga gi sitadi gi bony gi mula kod gimoro amora maber mar dhahabu. Ji duto nokelo ni Ruoth Nyasaye chiwo mag dhahabu,

Ngeche 13:22

Ng’at makare bedo gi mwandu moweyo ni nyithinde. Mwandu joricho to nodog ni joma kare.

Hagai 2:8

An e wuon fedha, kendo an e wuon dhahabu.

Mathayo 20:15

Donge an gi ratiro mar timo gima adwaro gi pesana awuon? Koso in gi nyiego nikech ineno ni an ng’at mang’won?’ ”