Wuok 11:1 - MUMA MALER 2015

¹ Ruoth Nyasaye nowacho ni Musa niya, “Koro odong’ masira achiel ma abiro kelo ni Farao gi jo-Misri. Eka noweu udhi. To ok mano kende, to noriembu mana kaka ng’at ma riembo chiege.

Motingʼo Loko Manyien

¹ Noyudo ka Jehova Nyasaye osewacho ne Musa niya, “Pod abiro kelo masira achiel kuom Farao gi jo-Misri. Bangʼ masirano, obiro weyou mondo uwuog kae udhi, to ka otimo kamano, to obiro mana riembou chutho.

Wuok 11:1 ပူးပေါင်းရင်းမြစ်များ

Chakruok 15:14

To nakum jopiny ma notimnigi kamano, kendo bang’e ginia kuno gi mwandu mogundho.

Ayub 10:17

Pile ibedo gi joneno maranga, momiyo mirimbi medore ameda kuoma, kendo pile ikelona chandruok manyien.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 3:20

To abiro tiyo gi tekona, mi nasand Misri gi honni duto ma natim kuno. Eka bang’e noyienu mondo udhi.

Wuok 6:1

Ruoth Nyasaye nowacho ni Musa niya, “Koro ibiro neno gima abiro timo ni Farao. Abiro chune mondo owe jo-Israel odhi. Adier abiro chune ni nyaka oriembgi e pinye.”

Wuok 9:14

To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Tim jo-Lawi 26:21

“To kapod upiem koda, mutamoru winja, to nakelnu masiche nyadibiriyo marom gi richou.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

Fweny 16:9

Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.

1 Samuel 6:4

To ne gimedo penjo niya, “En mich machal nadi monego wamiye?” Ne gidwoko niya, “Onego umiye gik moko abich mag dhahabu, maket gi buche mane okuodou, kaachiel gi oyieyo abich molos gi dhahabu, moromo kar kwan ruodhi mag jo-Filistia, nimar tho achiel ema nogoyou uduto, kaachiel gi ruodhi mau.