Wuok 10:3 - MUMA MALER 2015

³ Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Motingʼo Loko Manyien

³ Kuom mano Musa gi Harun nodhi ir Farao mi owachone niya, “Ma e gima Jehova Nyasaye, ma Nyasach jo-Hibrania wacho: ‘Nyaka karangʼo ma ibiro tamori bolori e nyima? We joga odhi mondo gilama.

Wuok 10:3 ပူးပေါင်းရင်းမြစ်များ

1 Ruodhi 18:21

Eka Elija nochung’ e nyim ji duto, mopenjogi niya, “Unuriwni e kind paro ariyo nyaka karang’o? Ka Ruoth Nyasaye en Nyasaye, to luweuru; to ka Baal e Nyasaye, to luwuru Baal.” To ji noling’ thi.

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 22:19

‘Kane iwinjo wechena mane awacho kuom pinyni kod joma odakie, ni ginibed joma okuong’ kendo okwedi, chunyi ne yom, kendo odembore, miyiecho lepi kendo iywak e nyima. Emomiyo an bende asewinjo ywakni.

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Ayub 42:6

Omiyo wiya okuot kuom gigo duto ma asewacho kendo achara kenda awuon, ka abet e lowo gi buru.”

Wuok 10:4

Ka pod itamori miyo joga thuolo mondo oa, to kiny nakel bonyo e pinyi,

Wuok 16:28

Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Wuok 5:1

Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Wuok 9:17

To kaka pod ithago joga, kendo ok iyienigi mondo gia,

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 1:24

Asebedo ka aluongou ni mondo ubi, to ok usewinja ngang’, bende ok usedewa!

Ngeche 18:12

Ng’at mamuol ema yudo duong’. Jasunga to luwo yo mochiko kethruok.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 13:18

Ruoth Nyasaye nowacho ni Jeremia niya, “Dhiyo inyis ruoth gi min mare mondo joa e kombegi mag duong’ nikech osimbegi mag loch osea e wigi molwar piny.

Jeremia 50:29

“Nyisuru jo-asere mondo omonj Babulon. Ee, ng’ato ka ng’ato mong’eyo bayo asere olwor dala, kendo kik uwe ng’ato tony. Chuluru ni Babulon kuor kuom gik moko duto mosetimo, kendo utimne mana kaka osetimo ni ji mamoko, nikech osesungore e nyima, an Ng’ama Ler mar Israel.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Daniel 5:22

“To in Belshazar, nyakware, ok isebolori e nyime, kata obedo ni ing’eyo gigo kamano.

Kwan 14:27

“Asewinjo ka jo-Israel ng’urna. Anyalo ng’wono ni oganda marachni nyaka karang’o?

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jakobo 4:10

Bolreuru e nyim Nyasaye, eka enoting’u malo.

1 Petro 5:6

Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore.