Wuok 10:27 - MUMA MALER 2015

²⁷ To Ruoth Nyasaye nomiyo chuny Farao odoko matek, mi nodagi ni kik gidhi.

Motingʼo Loko Manyien

²⁷ To Jehova Nyasaye noketo chuny Farao obedo matek kendo ne ok oyie mondo owegi gidhi.

Wuok 10:27 ပူးပေါင်းရင်းမြစ်များ

Wuok 10:1

Ruoth Nyasaye nowacho ni Musa niya, “Dhi ir Farao, asemiyo chunye, kaachiel gi chuny jodonge obedo matek mondo anyisgi hondenagi,

Wuok 10:20

To Ruoth Nyasaye nomiyo chuny Farao odoko matek, mi ne ok oweyo jo-Israel odhi.

Wuok 11:10

Musa gi Harun nosetimo honnigo duto e nyim Farao, to Ruoth Nyasaye nomiyo wiye odoko matek, mi ne ok onyal weyo jo-Israel a e pinye.

Wuok 14:4

Abiro miyo chunye doko matek, mi enolawu. To loch ma nalogo Farao kaachiel gi ogandane mar lweny nomi nyinga duong’, mi jo-Misri nong’e ni kara an Nyasaye.” Kamano jo-Israel notimo kaka nowachnigi.

Wuok 14:8

Ruoth Nyasaye nomiyo chuny Farao ruodh Misri odoko matek, mi nolawo jo-Israel ma nosewuok ka chunygi ochayo jo-Misri.

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Jo-Rumi 9:18

Kuom mano waneno ni ka Nyasaye dwaro timo ni ng’ato ng’wono, to otimo atima. Bende ka odwaro ni mondo omi chuny ng’ato odok matek, to otimo atima kamano.

Fweny 9:20

To joma odong’ mane masichego ok onego, pod ne ok oloko chunygi oa kuom gik mane giseloso gi lwetgi, to ne gimedo mana lamo jochiende gi nyiseche manono molos gi dhahabu gi fedha gi mula gi kidi kod bao, ma gin gik ma ok nyal neno, kata winjo wach, kata wuotho.