Wuok 10:25 - MUMA MALER 2015

²⁵ Musa nodwoke niya, “To ing’eyo ni in ema nyaka imiwa jamni mwatimogo ni Ruoth Nyasaye ma Nyasachwa misengni miwang’o pep kod misengni mamoko.

Motingʼo Loko Manyien

²⁵ To Musa nowacho niya, “Nyaka imiwa thuolo mar timo misengini gi misango miwangʼo pep ni Jehova Nyasaye ma Nyasachwa.

Wuok 10:25 ပူးပေါင်းရင်းမြစ်များ

Chakruok 8:20

Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

Wuok 10:24

Farao noluongo Musa, mowachone niya, “Dhiuru ulam Ruoth Nyasaye. Mondu gi nyithindu bende nyalo dhi kodu, mak mana jambu ema nyaka dong’ ka.”

Wuok 10:26

To jambwa bende nyaka wadhigo, kendo onge kata achiel ma biro dong’ chien, nimar dipo ka wadwaro jamni moko mwadhi lamogo Ruoth Nyasaye ma Nyasachwa kuom jambwago, nikech kapok wachopo kuno to ok wang’eyo ni wadhi lame gang’o.”

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Tim jo-Lawi 16:9

Eka nokaw diel ma ombuch Ruoth Nyasaye olwar kuome mi notimgo misango mar golo richo.

Tim jo-Lawi 9:22

Bang’e Harun noting’o lwete malo kochomo oganda, moguedhogi. Eka nolor oa kama notimoe misengni mag golo richo, gi misengni miwang’o pep, kod mag sawo.