Wuok 10:23 - MUMA MALER 2015

²³ Onge ja-Misri mane nyalo neno wadgi, kendo onge ng’at mane owuok e ode kuom ndalo adekgo. To kamoro amora mane jo-Israel odakie ema ler ne nitie.

Motingʼo Loko Manyien

²³ Onge ngʼato mane nyalo neno wadgi kata wuok oko kuom ndalo adek, kata kamano piny Israel to ne nigi ler kama negidakie.

Wuok 10:23 ပူးပေါင်းရင်းမြစ်များ

Wuok 14:20

kopogo kind jolweny mag Misri gi jolweny mag Israel. Bor polono nokelo mudho kanyo, mi piny noyuso piyopiyo, kendo oganda moro ne ok osudo machiegni gi wadgi otieno duto.

Wuok 7:25

Pi nobet kolokore remo kuom ndalo abiriyo kane Ruoth Nyasaye osechwado aora Nael.

Wuok 8:18

Ajuoke notiyo gi bindgi ni mondo gin bende gihon kikun, to notamogi. Kikun ne ni kuonde duto, kuom ji gi jamni.

Wuok 8:19

Eka ajuoke nowachoni Farao niya, “Ma en hond Nyasaye.” To wi Farao ne pod tek, kendo ne ok owinjo wach Musa gi Harun, mana kaka Ruoth Nyasaye nosenyiso.

Wuok 8:22

To chieng’no ok nahon lwang’ni e piny Goshen, kuma joga odakie, mi ining’e ni an Ruoth Nyasaye kara anie pinyni!

Wuok 9:26

To mak mana piny Goshen kende mane jo-Israel odakie, ema ne ok ogoyo.

Wuok 9:4

Jamb jo-Israel to ok abi timonigi gima abiro timoni jamb jo-Misri, mi onge chiach ja-Israel kata achiel ma notho.’

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Jo-Kolosai 1:13

En ema ne oresowa e Loch mudho, mi oterowa e Loch Wuode mohero,

Joshua 24:7

To kane jo-Israel oywakna gi chunygi duto, naketo mudho e kindgi gi jo-Misri, kendo namiyo nam oduogo moimo jo-Misrigo, kendo nuneno gima natimonigi. “Bang’ mano ne udak e thim ndalo mang’eny,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!