Wuok 10:22 - MUMA MALER 2015

²² Musa norieyo bade kochomo polo, mi mudho mandiwa noimo piny Misri duto kuom ndalo adek.

Motingʼo Loko Manyien

²² Kuom mano Musa norieyo bade kochomo polo kendo mudho mandiwa nokwako piny Misri duto kuom ndalo adek.

Wuok 10:22 ပူးပေါင်းရင်းမြစ်များ

Ayub 5:14

Piny othonigi mudho, kata mana godiechieng’ tir, kendo gimulo amula ka joma wuotho gotieno.

Zaburi 105:28

Nyasaye ne ooro mudho e piny, mi piny olil ti, to kata kamano jo-Misri ne ok odewo chikene.

Wuok 20:21

Ji nochung’ gi chien, to Musa kende ema nosudo machiegni gi bor polo mapek mane Nyasaye nie iye.

Isaya 8:22

Kata ka giting’o wang’gi malo, kata ka girango piny, to chandruok gi mudho kod chuny malit ema ginine kuonde duto, kendo noriembgi, mi witgi e mudho mandiwa.

Ezekiel 32:7

Chieng’ ma atieki, to abiro miyo polo imore mi sulue ok norieny. Anaum wang’chieng’ gi boche polo, mi due bende ok norieny.

Ezekiel 32:8

Kamano anagol ler duto mag polo, mi ami pinyi tim mudho. An Ruoth Nyasaye ema awacho kamano.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Rapar mar Chik 4:11

Nusudo machiegni, mi uchung’ e tiend got. Got ne wang’ gi mach matundo e polo, e mudho mandiwa gi rumbi kod ong’weng’o mopoto.

Rapar mar Chik 5:22

“Ruoth Nyasaye nomiyou chikego ka uchokoru uduto e got. Noloso gi dwol maduong’ gie mach ei rumbi kod ong’weng’o mopoto, eka noweyo wuoyo. Bang’e nondiko chikego e kite ariyo mopamore, momiya.

Fweny 16:10

Eka malaika mar abich noolo tape e kom duong’ mar Ondiek malichno, mi piny Ondiek notimo mudho! Ji nokayo lewgi nikech rem malit mane gin-go,