Wuok 10:21 - MUMA MALER 2015

²¹ Bang’ mano Ruoth Nyasaye nowacho ni Musa niya, “Rie badi kochomo polo mondo mudho mandiwa, ma ji muloe mana gi lwetgi, oim piny Misri.”

Motingʼo Loko Manyien

²¹ Eka Jehova Nyasaye nowacho ne Musa niya, “Rie badi kochomo polo mondo mudho olandre e piny Misri; ma en mudho mandiwa.”

Wuok 10:21 ပူးပေါင်းရင်းမြစ်များ

Ayub 5:14

Piny othonigi mudho, kata mana godiechieng’ tir, kendo gimulo amula ka joma wuotho gotieno.

Zaburi 105:28

Nyasaye ne ooro mudho e piny, mi piny olil ti, to kata kamano jo-Misri ne ok odewo chikene.

Zaburi 35:6

Mad yo ma giluwo bed motimo mudho kendo makier e sa ma malaika mar Ruoth Nyasaye negogi!

Zaburi 78:49

Notoyo kuomgi mirimbe mager, kokecho ahinya, ka ooro malaika maketho gik moko.

Wuok 7:19

Ruoth Nyasaye nowacho ni Musa niya, “Nyis Harun kama: ‘Rie ludhi e wi pige duto man Misri, kaka aore madongo gi matindo, kod yewni gi sokni.’ Pi biro lokore remo, kendo piny duto nopong’ gi remo, koda ka dapige mag yien mopa, koda mag kite.”

Wuok 9:22

Ruoth Nyasaye nowacho ni Musa niya, “Rie lweti kochomo polo mondo pe ogo ji gi jamni kod buya duto man piny e Misri.”

Ngeche 4:19

Yor joricho to olil mana ka muth otieno.

Eklesiastes 2:14

Ji mariek nyalo neno kuma dhiye. Joma ofuwo to ok nyal neno. To kata kamano ang’eyo bende ni waduto wachomo mana kamoro achiel.

Eklesiastes 6:4

Nyathi makamano lal nono e mudho, kendo kata mana nying ok chake.

Ezekiel 32:7

Chieng’ ma atieki, to abiro miyo polo imore mi sulue ok norieny. Anaum wang’chieng’ gi boche polo, mi due bende ok norieny.

Mathayo 27:45

Piny duto notimo mudho, chakre sa auchiel nyaka sa ochiko,

Mariko 15:33

Kane sa auchiel ochopo, piny duto notimo mudho nyaka sa ochiko,

Luka 23:44

Koro ne en kar sa auchiel mar odiechieng’, to wang’chieng’ noimore, mi piny duto otimo mudho nyaka sa ochiko.

Rapar mar Chik 1:30

Ruoth Nyasaye ma Nyasachu e jatendu, kendo en ema obiro kedonu, mana kaka nokedonu e Misri cha.’

Rapar mar Chik 28:29

Unubed kumulo godiechieng’, mana kaka muofu mulo, kendo ok nuchop kuma udwaro dhiyoe. Nothiru kendo noyaku e ngimau duto, kendo onge ng’at ma nokonyu.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

2 Petro 2:17

Jogo chalo gi sokni maonge pi, kendo gichalo gi ong’ueng’o ma yamb koth riembo. Gin, gima okannigi en mana mudho mandiwa.

2 Petro 2:4

Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.

Juda 1:6

Malaika mane okalo tong’ mar teko momigi, mi oweyo kuma onego gibedie, bende Ruoth oseketo e mudho, kotue mochwere gi nyororo, nyaka chop ng’ad buchgi, Chieng’ Maduong’.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.