Wuok 10:19 - MUMA MALER 2015

¹⁹ Ruoth Nyasaye noloko yamono mi okudho matek kaa imbo, motero bonyo e Nam Makwar, ma kata achiel ne ok odong’ Misri.

Motingʼo Loko Manyien

¹⁹ Kendo Jehova Nyasaye noloko kudho mar yamo mi yamb podho chiengʼ nokudho matek, bende yamono nochoko bonyo duto mi otero e Nam Makwar. Onge bonyo moro amora mane odongʼ e piny Misri.

Wuok 10:19 ပူးပေါင်းရင်းမြစ်များ

Zaburi 109:23

Achiegni lal nono ka tipo makadho. Adier, ahungora mana ka yamo mahungo bonyo.

Wuok 10:18

Kuom mano Musa noa ir Farao modhi olamo Ruoth Nyasaye.

Wuok 10:20

To Ruoth Nyasaye nomiyo chuny Farao odoko matek, mi ne ok oweyo jo-Israel odhi.

Wuok 13:18

Omiyo kar luwo yorno to Nyasaye notelonigi e yo maluoro maluwo thim kochomo Nam Makwar. Jo-Israel noa Misri koikore ni lweny.

Wuok 15:4

Osewito geche Farao gi jolweny mage e nam, kendo jatend Farao moyier josenimo e Nam Makwar.

Joel 2:20

Abiro riembo wasiku mane oa nyandwat, mi ater e thim motwo. Moko motelo nariemb, mi tho e Nam Kado, to man chien notho e Nam Mediterenia. Gibiro tow, mi githing’ ji. Abiro timo kamano nikech gik madongo ma gisetimo.

Jo-Hibrania 11:29

Yie ema ne omiyo jo-Israel ong’ado Nam Makwar, mana ka gima en lowo motwo. Jo-Misri to kane otemo ng’ade, to pi noimo.