Wuok 10:1 - MUMA MALER 2015

¹ Ruoth Nyasaye nowacho ni Musa niya, “Dhi ir Farao, asemiyo chunye, kaachiel gi chuny jodonge obedo matek mondo anyisgi hondenagi,

Motingʼo Loko Manyien

¹ Eka Jehova Nyasaye nowacho ne Musa niya, “Dhi ir Farao, nikech asemiyo chunye kaachiel gi chunje jodonge odoko matek mondo mi atim honnigi mag ranyisina e kindgi;

Wuok 10:1 ပူးပေါင်းရင်းမြစ်များ

Zaburi 7:11

En e jang’ad bura makare, kendo pile okwedo joricho.

Wuok 10:20

To Ruoth Nyasaye nomiyo chuny Farao odoko matek, mi ne ok oweyo jo-Israel odhi.

Wuok 3:20

To abiro tiyo gi tekona, mi nasand Misri gi honni duto ma natim kuno. Eka bang’e noyienu mondo udhi.

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Wuok 9:12

Ruoth Nyasaye nomiyo wi Farao odoko matek, mi ne ok odewo Musa gi Harun, mana kaka Ruoth Nyasaye nosenyiso Musa.

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Wuok 9:27

Farao noluongo Musa gi Harun, mowachonigi niya, “Koro aseketho. Ruoth Nyasaye e man kare, to an, kaachiel gi joga, ema wasetimo marach,

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Jo-Rumi 9:17

Nyasaye wacho ni Farao e Muma niya, “Ne aketi ruoth mana ni mondo gima atimoni omi ji ong’e kaka tekona duong’, kendo mondo humba olandre e piny ngima.”

Jo-Rumi 9:18

Kuom mano waneno ni ka Nyasaye dwaro timo ni ng’ato ng’wono, to otimo atima. Bende ka odwaro ni mondo omi chuny ng’ato odok matek, to otimo atima kamano.

Joshua 11:20

Ruoth Nyasaye nomiyogi chir mar kedo gi jo-Israel mondo jo-Israel oneggi maonge ng’wono, kendo otiekgi chuth, mana kaka Ruoth Nyasaye nosechiko Musa.

1 Samuel 4:8

Yaye! Ng’ano ma noreswa e lwet nyiseche maratekegi? Gin nyiseche ma nosando jo-Misri gi masiche mayoreyore e thim.