Wuok 1:17 - MUMA MALER 2015

¹⁷ To jocholo noluoro Nyasaye, omiyo ne gichayo chik ruoth, mi ne ok ginego nyithindo machwo.

Motingʼo Loko Manyien

¹⁷ To kata kamano, jochologo noluoro Nyasaye kendo ne ok gitimo gima ruodh jo-Misri nonyisogi mondo gitim, mine ok ginego nyithindo ma yawuowi.

Wuok 1:17 ပူးပေါင်းရင်းမြစ်များ

Chakruok 20:11

Ibrahim nodwoke niya, “Naparo ni onge joma oluoro Nyasaye e pinyni, omiyo nagalo ni ginyalo nega mondo gikaw chiega.

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

2 Samuel 24:4

Kata kamano ruoth nochuno Joab gi jotend lweny, mi ne giwuok mondo gikwan jo-Israel.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Zaburi 31:19

Mano kaka gik mikano ni joma oluori beyo! Rit miritogo joma ogeno kuomi bende lich miwuoro.

Wuok 1:18

Ruodh Misri noluongo jochologo, mopenjogi gimomiyo giweyo nyithindo machwo, mak ginego.

Wuok 1:21

Nyasaye nomiyo jocholo obedo gi nyithindo kod nyikwayo nikech ne giluore.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Eklesiastes 8:12

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber,

Daniel 6:13

Eka ne giwachone niya, “To Daniel, ma achiel kuom jo-Juda mane odar nokel ka, ok dwar winjo wachni, kendo otamore rito chik mane igolo, nikech olamo Nyasache didek e odiechieng’ achiel.”

Hosea 5:11

Jo-Israel ni e thagruok. Gisewito piny mane margi nikech ne giramo ni nyaka giring gidhi ir ji mamoko mondo okonygi, to kara jogo onge gima dikonygigo.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Luka 12:5

To adwaro nyisou ng’at monego uluor; Luoruru Nyasaye nimar en ema en gi teko, ma, ka oseneg ng’ato to onyalo wito e mach mak tho. Adier awachonu ni, luoruru Jalo!

Tich Joote 5:29

Petro kod joote mamoko nodwokogi ni, “Nyasaye ema nyaka waluor, to ok dhano.

1 Samuel 22:17

Eka ruoth nowacho ni jorit ma nochung’ bute niya, “Dhiuru, uneg jodolo mag Ruoth Nyasaye, nikech gin bende giriwore gi Daudi. Ne ging’eyo ni oringo to ne ok ginyisa.” To jotich ruoth notamore nego jodolo mag Ruoth Nyasaye.