Wuok 1:14 - MUMA MALER 2015

¹⁴ ka gimiyo ngimagi doko matek gi tije achune mag nyono lowo, gi loso matafari, kod tije duto mag pur.

Motingʼo Loko Manyien

¹⁴ Negimiyo ngimagi odoko matek gi tije achuna mag nyono lowo mar matafare; e tijegi duto jo-Misri noketogi gi tich mapek mar wasumbini.

Wuok 1:14 ပူးပေါင်းရင်းမြစ်များ

Chakruok 15:13

Eka Ruoth Nyasaye nowachone niya, “Nyikwayi nobed jodak e piny ma ok margi. Ginibed wasumbini kuno, kendo nosandgi kuom higni mia ang’wen.

1 Ruodhi 12:14

to noluwo rieko mbesene, kowacho niya, “Wuora nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.”

Zaburi 129:1

In Israel, hul kaka wasiki osesandi malit, chakre tinni.

Zaburi 68:13

Ne gichalo akuche mobaw gi fedha, kendo ma bwombegi obaw gi dhahabu, To ere gima omiyo jou moko nodong’ adong’a dala, karito rombe?

Zaburi 81:6

“Ne agolo ting’ mapek e goku, mi ne amiyo ubolo odheche mane utiyogo piny.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 1:13

Kuom mano ne gibembo wasumbgi ma jo-Israel gi tich mapek,

Wuok 1:15

Bang’e ruodh Misri nowacho ni mond Hibrania ariyo ma jocholo, miluongo ni Shifra gi Pua, niya,

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 6:9

Musa noluwo ni jo-Israel wechegi, to ne ok gidewe, nimar chunygi nool nikech tich matek mar bedo wasumbni.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Isaya 10:24

Mano emomiyo owacho kama: “Un joga modak Sayun, kik uluor jo-Asuria, kata obedo ni gisandou kaka ne jo-Misri otimonu chon,

Isaya 14:6

In ruodh Babulon, ne isando ogendini pile gi gero, kigoyogi, kendo kinyonogi piny gi mirima maonge yueyo.

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Isaya 52:5

To koro, en ang’o ma anenoni? Aneno ka joga okaw nono, maonge gima ochul. Joma ne omakogi goyonigi siboi, kendo odiechieng’ kodiechieng’ gitugo gi nyinga marach.

Isaya 58:6

Donge kit tueyo chiemo ma adwaro en ni mondo ugony tonde mag richo, kendo utur jok duto, mondo joma isando oyud yueyo?

Tim jo-Lawi 25:43

Kik isand ja-Israel waduno, to nyaka iluor Nyasachu.

Tim jo-Lawi 25:46

kendo unyalo weyogi ni yawuotu kusetho. Unyalo loko jogo wasumbu nyaka chieng’, to jo-Israel weteu kik usand.

Tim jo-Lawi 25:53

Nyaka rit ng’atno machal gi jatich mondiki, bende kik uyie mondo ng’at mane ong’ieweno osande.

Mika 3:3

kata ka ng’ato maturo chok chiayo, kendo kango ring’o mondo otedi, ocham!

Nahum 3:14

Ikreuru ni ageng’a mabiro. Umburu pi kendo nyonuru lowo, unywasi mondo ogogo matafari mang’eny ulosgo kuonde mag siro lweny obed motegno.

Kwan 20:15

kendo kaka kwerewa nodhi Misri, mi wasedak kuno kuom higni mang’eny. Jo-Misri nothagowa malit mana kaka ne githago kwerewa,

Tich Joote 7:19

Ne owuondo jowa gi rieko, kendo otimo ni kwerewa malit, kochunogi mondo giwit nyithindgi matindo oko, mondo otho.

Tich Joote 7:34

Aseneno ratiro kaka joga sandore malit e piny Misri. Asewinjo kaka gichur, omiyo aselor mondo aresgi. Kuom mano, bi mondo aori Misri.’

Rapar mar Chik 26:6

To jo-Misri nosandowa, monyorowa, kendo oketowa e tich misumba malit.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Ruth 1:20

To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.