Wer Mamit 8:7 - MUMA MALER 2015

⁷ ma kata pi mathoth manade ok nyal nego. Adier, kata ohula maduong’ manade ok nyal yuoye. To ka ng’ato otemo ni ng’iewo hera, kata mana gi mwandune duto, to achaye kende ema oyudo.”

Motingʼo Loko Manyien

⁷ Pige mathoth ok nyal nego hera; kendo kata aore maringo ok nyal ywere. Ka dipo ni ngʼato dichiw mwandu duto mag ode mondo oyud hera, to mano dibed fuwo maduongʼ.

Wer Mamit 8:7 ပူးပေါင်းရင်းမြစ်များ

Chakruok 39:19

Kane ruodh Josef owinjo gima chiege nowachone, ni misumbane osetimo, nokecho ahinya.

Zaburi 15:4

to ma charo jogo ma Nyasaye odagi. Joma oluoro Nyasaye to omiyo duong’. Pile otimo gima osesingore ni obiro timo, kata bed ni en gima biro hinye en owuon,

Ngeche 6:31

Kata kamano, ka ojuke, to nyaka ochul nyadibiriyo. Chutho, nyaka ochul mwandune duto.

Ngeche 6:35

Ok onyal yie mondo ochule gimoro, kendo kata mana chiwo malich manade ok nyal kueyo mirimbe!

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,