Wer Mamit 8:14 - MUMA MALER 2015

¹⁴ “Reti, ibi ira jaherana, mondo ibed e gode mang’ue ng’ar, mana ka gima in apol, kata ngau ma pod dongo modak e gode.”

Motingʼo Loko Manyien

¹⁴ Bi wadhi, jaherana, kendo chal gi mwanda kata le, mamoko manie thim mochungʼ ewi gode mopongʼ gi yedhe madungʼ tik mangʼwe ngʼar.

Wer Mamit 8:14 ပူးပေါင်းရင်းမြစ်များ

Wer Mamit 2:17

Nyaka koch okinyi kudhi, mi piny yawre. Duogi e gode mang’ue ng’ar, yaye jaherana, mana ka gima in apol kata ka ngau ma pod dongo modak e gode.

Wer Mamit 2:7

“Un nyi Jerusalem, kuongreuru gi nying le mae thim ni ok unuchoch herawa.”

Wer Mamit 2:9

Jaherana chalo gi apol kendo ochalo gi ngau ma pod dongo. Echagocha, ochung’ e tok ohingawa, ka ong’icho gie dirisa.

Wer Mamit 4:6

Abiro mana bet e got mang’ue ng’ar, nyaka koch okinyi kudhi, mi piny yawre.

Luka 19:12

Ne owacho niya, “Ng’at moro marahuma ne dwaro dhi e piny moro mabor mondo oyud teko mar duogo bedo ruoth e pinygi.

Rapar mar Chik 12:15

“To kata kamano, pod unyalo yeng’o e dala moro amora mondo ucham ring’o, e sa asaya muhero, mana kaka Ruoth Nyasaye ma Nyasachu omiyou. Ji duto, joma ogak kod joma ok ogak, nyalo chamo ring’ono, mana ka gima en ring ogunde kata ring mwanda.

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.

Fweny 22:20

Jal manyiso wechegi duto wacho niya, “Adier, abiro piyo!” Obed kamano! Bi, Ruoth Yesu!