Wer Mamit 8:11 - MUMA MALER 2015

¹¹ Solomon nigi puoth mzabibu, kama iluongo ni Baal-Hermon. Oketo puodhono e lwet jopur, kendo moro ka moro nyaka chule fedha alufu achiel kuom olembene.

Motingʼo Loko Manyien

¹¹ Solomon ne nigi puoth mzabibu kama iluongo ni Baal Hamon; kendo ne oketo puotheno e lwet jopur. Moro ka moro kuomgi nonego chul Solomon kilo, apar gachiel gi nus mar fedha kuom olembene.

Wer Mamit 8:11 ပူးပေါင်းရင်းမြစ်များ

Chakruok 20:16

Nonyiso Sara bende niya, “Asemiyo owadu fedha alufu achiel mondo obed ranyisi ni jou duto ni ionge gi ketho, kendo mondo ging’e ni ok isetimo gimoro marach.”

Eklesiastes 2:4

Kuom mano, ne atimo gik madongo kaka gero udi mondo adagie, kendo pidho puothe mzabibu.

Wer Mamit 1:6

Kik uchaya kuom bet dichol, nikech chieng’ ema oseloko kita kamano. Owetena ne mon koda, omiyo ne gimiya tich rito puoth mzabibu. Kuom mano, ne ok ayudo thuolo mar loso denda.

Wer Mamit 2:3

“To in bende jaherana, iber e kind yawuowi weteu, mana kaka yadh olemo ber e kind yien mamoko duto. Ahero bet e tiponi ka achamo olembi mamit.

Wer Mamit 7:12

Wabiro chiew gokinyi mondo warang yiend mzabibu, kendo wane ane ka gisechako loth, kata ka gisechako thiewo. Bende mondo wane ane ka yien moko osemoyo. Eka anachiwrani kuno.

Wer Mamit 8:12

An to an gi puotha awuon mar mzabibu. Emomiyo Solomon, in to bed abeda gi fedha miyudo kuom jopur! Jopur bende mondo obed abeda gi pokgi mar fedha mia ariyo ma giyudo!

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Mariko 12:1

Bang’e Yesu nochako wuoyo kodgi gi ngeche, kowacho niya, “Ng’at moro noloso puoth mzabibu. Nochielo puodhono, mokunyo bur mibiyoe mzabibu, kendo ogerone kar rito. Eka ne oweye e lwet jopur, mi owuok odhi e piny moro mabor.