Wer Mamit 8:1 - MUMA MALER 2015

¹ Mad da bed ni in owadwa mane wadhodhogo thuno achiel, to da anyodhi kata mana e wang’yo ka aromo kodi! Kata bed ni ng’ama nadi ema rangowa, bende onge ng’ama da onyierowa.

Motingʼo Loko Manyien

¹ Ka dine ibedna owadwa mahie, mane wadhodhogo thuno achiel, to dine anyodhi, kapo ni ayudi oko, kendo onge ngʼama dine ochaya.

Wer Mamit 8:1 ပူးပေါင်းရင်းမြစ်များ

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Wer Mamit 1:2

“Bi inyodha gi nyoth mogundho. Herani mit moloyo divai.

Wer Mamit 7:13

Kuno to inyalo ng’ueyoe tik kungumanga, kendo olembe mamit duto odhuro kuno. A yaye jaherana, asekanoni kit mor duto te!

Wer Mamit 8:2

Da ateri e od mama, mi amiyi divai mamit.

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Isaya 9:6

nikech nonywolnwa nyathi. Adier, ibiro miyowa wuowi, kendo loch nobed e lwete. Noluong nyinge ni, Jabura Mahono, Nyasaye Maratego,, Wuoro ma nyaka chieng’, kendo Ruodh Kue.

Hagai 2:7

Bende anayieng ogendini duto, mi mwandugi duto nobi ka, mi anapong’ Hekalu gi duong’ maler. An Ruoth Nyasaye ema awacho kamano.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Luka 12:8

“Awachonu ni ng’ato ang’ata mahulo e nyim ji ni en ng’ata, Wuod Dhano bende nohul ni en ng’ate e nyim malaika mag Nyasaye.

Luka 18:9

Joma ne paro giwegi ni gin joma kare, kendo mane ochayo ji mamoko duto, bende Yesu nogoyonigi ngero kama:

Luka 2:38

E sa mane Simeon oguedhoe jonywol Yesu, dhakono nochopo, mogoyo ni Nyasaye erokamano. Eka nowuoyo kuom nyathino ni ji duto mane ogeno ni Nyasaye biro reso Jerusalem.

Luka 9:26

Ka wi ng’ato kuot koda, kendo kuot gi wechena, to wi Wuod Dhano bende nokuod kode, kobiro e duong’ mare, kod mar Wuon mare, kaachiel gi mar malaika maler.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 13:3

Kata obedo ni Yesu nong’eyo ni Wuoro oseketo gik moko duto e lwete, kendo ni ne osea ir Nyasaye, kendo koro odok ire,

Johana 16:28

Adier ne aa ir Wuoro, mi abiro e piny, to koro aa e piny, adok ir Wuoro.”

Johana 3:13

Onge ng’at mosedhi e polo, mak mana Wuod Dhano, mane olor oa e polo.

Johana 8:42

Yesu nowachonigi niya, “Ka dabed ni Nyasaye e wuonu adier, to da uhera, nikech an ne aa ka Nyasaye, kendo koro an kodu ka. Ne ok abiro gi tekona awuon, to En ema noora.

1 Jo-Korintho 1:28

Bende noyiero gik ma piny obwono kendo ochayo kendo ma ok kwan ka gimoro mondo okethgo gik ma piny kwano ka gik madongo.

Jo-Galatia 4:26

To dhako man thuolo ochung’ kar Jerusalem manie polo, kendo en e minwa,

Jo-Galatia 6:14

An to ok anyal pakora kuom gimoro mak mana kuom msalap Ruodhwa Yesu Kristo, mosemiyo piny ochalona ka gima ogur e msalaba, kendo ma osemiyo an bende achalo ni piny ka ng’ama ogur e msalaba.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”