Wer Mamit 7:9 - MUMA MALER 2015

⁹ Dhogi bende mit ka divai, mamol mos e kind lekena ka amadho.”

Motingʼo Loko Manyien

⁹ kendo dhogi chal mana gi divai mamit. Mad divai lor mos e dwond jaherana, kamol mos e kind lewe kod lekene komadhe.

Wer Mamit 7:9 ပူးပေါင်းရင်းမြစ်များ

Ngeche 16:24

Weche mamuol chalo mana gi mor kich, ma mit kichamo, kendo kelo del maber.

Ngeche 23:31

Kuom mano kik irwo kong’o mochiek kendo matar, kineno ka bwoyo yienyo e dho agwata,

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Wer Mamit 5:16

Mano kaka dhoge ber nyodho, kendo gimoro amora man kuome berna! Koro un nyi Jerusalem, mano e kaka jaherana chalo.”

Wer Mamit 5:2

Ne oyudo anindo to chunya wuotho. Eka ne awinjo ka jaherana dwong’o dhoot, kawacho niya, “Yawna, chiega ma jaherana, kendo winja majaber. Wiya otimo pi nikech tho omokoe. Adier, yie wiya ng’ich nikech ng’ich mar otieno.”

Jo-Rumi 13:11

To timuru kamano nikech ung’eyo ni kinde koro osechopo ma uchiewie ua e nindo, nikech chieng’ mibiro resowae koro chiegni moloyo ndalo mane wachakoe yie kuom Yesu.

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.

Jo-Hibrania 13:15

Emomiyo, kuom Yesu, pile watimuru ni Nyasaye misango mar pak. Adier, dhowa mohulo nyinge mondo opake pile.

Fweny 14:13

Eka ne awinjo dwol moa e polo kawacho niya, “Ndik ni, ‘Chakre kawuono, jogo matho kogeno kuom Ruoth, gin johawi!’ ” Roho bende wacho ni, “Ee, gin johawi adier, nikech giniyue kuom tichgi matek, nimar gik ma gisetimo dhi kodgi.”