Wer Mamit 7:13 - MUMA MALER 2015

¹³ Kuno to inyalo ng’ueyoe tik kungumanga, kendo olembe mamit duto odhuro kuno. A yaye jaherana, asekanoni kit mor duto te!

Motingʼo Loko Manyien

¹³ Kuno ema inyalo winjoe tik mar mandrake, kendo e odwa kanyo okanni gik mamit, motingʼo gik machon gi manyien, ma asebedo ka akanoni, yaye jaherana.

Wer Mamit 7:13 ပူးပေါင်းရင်းမြစ်များ

Chakruok 30:14

E ndalo mag kayo ngano, Reuben nodhi e puodho, moyudo olemo miluongo ni mandrek, mokelo ni Lea min mare. Rahel nokwayo Lea mondo omiye mandrek mane wuode okelo.

Wer Mamit 2:3

“To in bende jaherana, iber e kind yawuowi weteu, mana kaka yadh olemo ber e kind yien mamoko duto. Ahero bet e tiponi ka achamo olembi mamit.

Wer Mamit 4:13

Gik moko dongo maber e puodhono. Ee, gidongo mana ka olemo mabeyoe moloyo.

Wer Mamit 4:16

“In yamb masawa, tugri! Yamb milambo, in bende kudhi e puotha, mondo tik gik mang’ue ng’ar man kanyo odum. Yaye jaherana, bi e puothi mondo icham olembe mabeyo.”

Wer Mamit 6:11

Ne alor mwalo e puoth nas, mondo ane kaka odundu loth e dho aora, kendo ane kaka yiend mzabibu moyo, kata ka yien mamoko ochako thiewo.

Wer Mamit 8:1

Mad da bed ni in owadwa mane wadhodhogo thuno achiel, to da anyodhi kata mana e wang’yo ka aromo kodi! Kata bed ni ng’ama nadi ema rangowa, bende onge ng’ama da onyierowa.

Isaya 23:18

To ohala moyudo e tijeno nochiw ni Ruoth Nyasaye. Ok nokunggi, bende ok nokan-gi, to nong’iew kodgi chiemo mathoth kod lewni mabeyo ni jodolo mag Ruoth Nyasaye.

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Johana 15:8

Ka unyago olemo mang’eny, to umiyo Wuora duong’. Kamano unyiso ni un jopuonjrena.

1 Jo-Korintho 16:2

Chieng’ Jumapil ka Jumapil, ng’ato ka ng’ato kuomu mondo opog moko kuom gik ma Nyasaye osekonyego, oket tenge mondo solro kik tim ka abiro.

1 Jo-Korintho 2:9

To riekono koro osefwenyore, mana kaka Muma wacho niya, “Gik ma wang’ pok oneno, kendo ma it pok owinjo, bende mapok odonjo e chuny dhano, e gik ma Nyasaye oiko ni joma ohere.”

Jo-Efeso 5:9

nimar ler ema kelo ber gi timbe makare kod adiera duto.

Jo-Filipi 1:11

ka ngimau ogundho gi timbe mabeyo duto ma Yesu Kristo kende ema nyalo chiwo mondo Nyasaye oyud duong’ gi pak.

Jo-Kolosai 3:17

Gimoro amora ma uwacho kata utimo onego obedi e nying Ruoth Yesu, kugoyoni Nyasaye Wuoro erokamano e nyinge.

1 Petro 4:11

Ka ng’ato en jaland wach, to wach mowacho nyaka bed mana Wach Nyasaye, kendo ka ng’ato tiyo ni ji, to mondo oti mana gi teko ma Nyasaye chiwo, mondo Nyasaye oyud duong’ kuom gik moko duto mutimo kuom Yesu Kristo. En e wuon duong gi teko nyaka chieng’. Amin.