Wer Mamit 7:12 - MUMA MALER 2015

¹² Wabiro chiew gokinyi mondo warang yiend mzabibu, kendo wane ane ka gisechako loth, kata ka gisechako thiewo. Bende mondo wane ane ka yien moko osemoyo. Eka anachiwrani kuno.

Motingʼo Loko Manyien

¹² Bi wamondi gokinyi wadhi, e puothe mzabibu mondo wangʼiane, ka mzabibu oseolo, bende wangʼiane ka gisechako thiewo, kendo ka olembe mongʼinore oselokore makwar; kuno, ema abiro miyie herana.

Wer Mamit 7:12 ပူးပေါင်းရင်းမြစ်များ

Zaburi 122:5

Kanyo ema nitie ut ng’ado bura, ma ruoth ma nyakwar Daudi ng’adoe bura ni joge.

Zaburi 43:4

Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

Zaburi 73:25

Ere ng’at moro ma an go e polo mak mana in? Kuom mano, ere gimoro machielo ma anyalo dwaro e piny?

Wuok 25:22

Kanyo ema naromie kodi, kendo ka an ewi raum e kind kerubi ariyo manie wi Sandug Rapar, anamiyi chikena duto, iter ni jo-Israel.

Ngeche 8:17

Ahero joma ohera, kendo ng’ato nag’ata madwara to yuda.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Wer Mamit 2:13

Olemo bende ochako chiek, kendo mzabibu mamoyo dum mamit. A malo jaherana, Wuog wadhi, yaye jaber.

Wer Mamit 2:15

Yaye jowadwa, maknauru nyithind bwe ma ketho puothe mag mzabibu, nikech dipo ka giketho mzabipwa mamoyo.”

Wer Mamit 4:13

Gik moko dongo maber e puodhono. Ee, gidongo mana ka olemo mabeyoe moloyo.

Wer Mamit 4:16

“In yamb masawa, tugri! Yamb milambo, in bende kudhi e puotha, mondo tik gik mang’ue ng’ar man kanyo odum. Yaye jaherana, bi e puothi mondo icham olembe mabeyo.”

Wer Mamit 6:11

Ne alor mwalo e puoth nas, mondo ane kaka odundu loth e dho aora, kendo ane kaka yiend mzabibu moyo, kata ka yien mamoko ochako thiewo.

Wer Mamit 7:11

“Bi yaye jaherana wadhi waba oko, mondo wanind e puothe mag mzabibu gotieno.

Wer Mamit 7:6

Mano kaka iber, yaye jaherana, kendo mano kaka mor mimiya lichna!

Isaya 18:5

Ananeg joma dwaro monjou ka pok gichopo, mana ka ng’ama ng’ado bede mzabibu gi ratong’ e kinde ma keyo podi, ma mzabibu osemoyo, kendo olembgi chiegni chiek,

Tich Joote 15:36

Bang’ ndalo moko Paulo nowacho ni Barnaba ni, “Wadogi mondo wane owetewa e mier duto mane walandoe Wach Ruoth, mondo wane ane kaka gibet.”

Jo-Rumi 5:11

To ok mano kende. Wamor bende kuom Nyasaye nikech gima ne Yesu Kristo Ruodhwa otimonwa, nimar en ema nomiyo wadoko osiep Nyasaye.

2 Jo-Korintho 13:5

Nonreuru pile mondo une ane ka un gi yie. Adier, ng’ireuru uwegi! Donge ung’eyo ni Yesu Kristo nie iu, mak mana ka un joma orem?

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jo-Hibrania 2:13

Owacho bende niya, “Anaket genona kuom Nyasaye.” Kendo owacho ni, “Eri, an ka, kaachiel gi nyithindo ma Nyasaye osemiya.”

Jo-Hibrania 2:15

kendo mondo ogony joma luoro mar tho osemiyo obedo wasumbini ndalo duto mag ngimagi.

Jo-Hibrania 4:16

Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.