Wer Mamit 6:11 - MUMA MALER 2015

¹¹ Ne alor mwalo e puoth nas, mondo ane kaka odundu loth e dho aora, kendo ane kaka yiend mzabibu moyo, kata ka yien mamoko ochako thiewo.

Motingʼo Loko Manyien

¹¹ Ne alor mwalo nyaka e puoth mananas, mondo ane kaka gidongo e holo, kendo mondo ane ka mzabibu osechako golo maua kata ka olemo mongʼinore osechako chiek makwar.

Wer Mamit 6:11 ပူးပေါင်းရင်းမြစ်များ

Chakruok 2:9

Nomiyo yien mopogore opogore odongo e puodhono, ma moko lombo wang’, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.

Chakruok 40:10

man gi bede adek ni e nyima. To nochako loth, mogolo thiepe, kendo onyago mzabibu mochiek mana gi kanyono.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Wer Mamit 6:12

Koro amor mokadho. Achalo jatend oganda lweny moidho gache.

Wer Mamit 6:2

“Jaherana osedhi e puothe, kama gik mang’ue ng’ar dongoe, mondo okwa kanyo kendo opon ondanyo.

Wer Mamit 7:12

Wabiro chiew gokinyi mondo warang yiend mzabibu, kendo wane ane ka gisechako loth, kata ka gisechako thiewo. Bende mondo wane ane ka yien moko osemoyo. Eka anachiwrani kuno.

Wer Mamit 7:13

Kuno to inyalo ng’ueyoe tik kungumanga, kendo olembe mamit duto odhuro kuno. A yaye jaherana, asekanoni kit mor duto te!

Mariko 11:13

Ne oneno yadh ng’owo moro ma pote ng’eny gi kuma bor, omiyo nodhi mondo one ane ka donwang’ olemo kuome. To kane ochopo machiegni, ne onwang’o mana pote kende, nikech kinde ma ng’owo chiekie ne pok ochopo.

Luka 13:7

Eka nowacho ni jalos puodhono ni, ‘Koro kuom higni adekgi asebedo kabiro ka mondo ayudie olemo kuom ng’owoni, to ok aseyudo gimoro. Omiyo tong’e oko. Ere gimomiyo onego oketh lowo kayiem nono?’

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Tich Joote 15:36

Bang’ ndalo moko Paulo nowacho ni Barnaba ni, “Wadogi mondo wane owetewa e mier duto mane walandoe Wach Ruoth, mondo wane ane kaka gibet.”