Wer Mamit 6:10 - MUMA MALER 2015

¹⁰ Ma to ng’a, ma pilore ka wang’chieng’ni? Adier, ojaber mana ka due, kendo ong’ang’ni mana ka wang’chieng’! Ka anene to agamo yueyo agama mana kaka agamo yueyo kaneno gik pologo.

Motingʼo Loko Manyien

¹⁰ Ma to en ngʼa mabiro apoya ka piny madwa ru? Adier, ober ka dwe kendo ongʼangʼni ka wangʼ chiengʼ, bende ochanore ka sulwe moriedo.

Wer Mamit 6:10 ပူးပေါင်းရင်းမြစ်များ

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Ayub 11:17

Ngimani nobed maler moloyo odiechieng’ tir gi ler, kendo mudho manie ngimani norieny mana ka ler mar okinyi.

Ayub 31:26

bende pok aselamo wang’ chieng’ mang’angnini, kata mana due marieny maberni pok alamo.

Zaburi 14:5

To kihondko biro makogi, nikech Nyasaye mana nigi jogo ma oluore.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Wer Mamit 1:15

“Mano kaka ijaber, yaye jaherana! Mano kaka ijaber! Wengeni nyiso mana hera lilo.”

Wer Mamit 3:6

Mano ang’o mawuok e thim ka iro madhuolore, machalo ich ubani miwang’ono, kata machalo poda ma johala kelo?

Wer Mamit 6:4

“Jaherana, iber mana ka Jerusalem, kata ka dala mar Tirza. Ka aneni, to agamo yueyo agama, mana ka gima aneno mier ariyogo.

Wer Mamit 8:5

“Mano ng’a, mawuok e thim, ka jokwakore gi jaheraneno?” “Jaherana, ne achiewi e bwo yadh olemo, kama ne meru onywolie.

Isaya 58:8

Kutimo kamano eka ler ma un go noyawre mana ka ru piny, kendo unubed mangima mana ka adhola mosechango. Timbeu uwegi makare ema notelnu, kendo duong’ maler mar Ruoth Nyasaye ema nodong’nu chien.

Isaya 63:1

Mano ng’a, mabiro koa Bozra e piny Edom, ka lepe otimo remono? Orwakore gi lep duong’, kendo owuotho gi tekone duto. “An Ruoth Nyasaye ema abiro, ka ahulo ni Jerusalem oseresi, kendo an ema an gi teko mar waro ji.”

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 13:43

Bang’ mano, joma kare norieny ka wang’chieng’ e piny Wuon-gi. Ng’at man gi it mar winjo, to mondo owinji!

Mathayo 17:2

Eka kite nolokore mana e nyimgi ka gineno, mi wang’e orieny ka wang’chieng’, kendo lepe odoko matar ka pe.

Jo-Rumi 8:37

To kata kamano, waloyo gigo duto chutho, nikech teko mar Jal mane oherowa,

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 10:1

Bang’e ne aneno malaika machielo maratego koa e polo. Ne orwakore gi bor polo, kendo lihudu nolworo wiye, to wang’e ne chalo gi sirni makakni ka mach.

Fweny 12:1

Bang’ mano, ranyisi malich ne onenore e kor polo. Ne en dhako morwakore gi wang’chieng’. Due ne nie bwo tiende, to wiye nosidh e osimb sulue apar gariyo.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 22:5

Otieno ok nochak obedie, kendo ok ginidwar ler mar taya kata mar chieng’, nikech Ruoth Nyasaye nomigi ler, kendo ginibed gi loch nyaka chieng’.