Wer Mamit 5:15 - MUMA MALER 2015

¹⁵ Ogwendene chalo gi sirni molos gi kite mag ombo, mochom e rachungi mag dhahabu maler. Ka inene, to omiyo igamo yueyo, mana ka ng’ama oneno got Lebanon motimo yiend sida mabeyo.

Motingʼo Loko Manyien

¹⁵ Tiendene chalo gi sirni mag kit ombo mochungʼ e mise mag dhahabu maler. Onenore ka got mar Lebanon, kendo ongʼongʼore ka bepe sida mag Lebanon.

Wer Mamit 5:15 ပူးပေါင်းရင်းမြစ်များ

1 Ruodhi 4:33

Nowuoyo kuom kit yien duto, kochako gi sida madongo man Lebanon nyaka okinga mati e kind kite mag ohinga. Nowuoyo bende kuom le gi winy gi gik mamol, kendo kuom rech.

Zaburi 80:10

Tipone ne oimo gode kod yiend sida madongodongo.

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Zaburi 92:13

Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa.

Wuok 26:19

kendo ilos rachungi piero ang’wen mag fedha mirwakoe sirnigo. Rwak tiende ariyo mag siro mokwongo e rachungi ariyo, kendo itim kamano gi sirni duto.

Wer Mamit 2:14

Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

Wer Mamit 4:11

Dhogi mit ka mor kich, yaye jaherana. Adier, lewi chalona chak kata mor kich. Lepi dum tik mamit mana ka tik mamit mar god Lebanon.

Wer Mamit 7:4

Ng’uti to chalo gi osuch lak liech, kendo wengeni nyiwni ka pi yewni man but dhoranga Heshbon, dala maduong’. Umi ber mana ka got Lebanon moting’ore kochomo Damaski.

Ywagruok 4:7

Jodong joga yande nigi ngima maber. Dendgi yande pichni kendo leny ka mo,

Ezekiel 17:23

apidhi ewi god Israel maborie moloyo. Bedene nojany, kendo nonyag kodhi, mi odok yadh sida maber ahinya. Koth winy duto noged kuome, mi yud yueyo e tipone.

Ezekiel 31:8

Onge yadh sida moro e puoth Nyasaye, mane inyalo pimo kode. Adier, onge yath moro mane nigi bede machal gi mage. Chutho onge yath moro e puoth Nyasaye mane jaber ka en.

Hosea 14:7

Gibiro chako gidak e tipona, mi ginya ka cham, kendo ginyag mana ka yiend mzabibu. Gibiro bedo gi huma mana ka divai mar Lebanon.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Mathayo 17:2

Eka kite nolokore mana e nyimgi ka gineno, mi wang’e orieny ka wang’chieng’, kendo lepe odoko matar ka pe.

Mathayo 28:3

Kit malaikano ne chalo gi mil polo, kendo lawe ne tar ka pe.

Tich Joote 2:28

Isenyisa yore matera e ngima, kendo inimiya bedo mamor chutho, nikech in koda.’

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jong’ad Bura 13:6

Dhakono nodhi mowacho ni chwore niya, “Ng’at Nyasaye nende obiro ira, to kite ne lich ahinya, machalo mana gi kit malaika mar Nyasaye. Ne ok apenje kuma oaye, to bende ne ok ohulona nyinge.