Wer Mamit 4:9 - MUMA MALER 2015

⁹ Jaherana, ka wang’i orado gi mara, kata ka arango tigo ma iliero e ng’uti, to chunya rumo!

Motingʼo Loko Manyien

⁹ Yaye jaherana, ka aneno kaka ingʼiya, kod tigo malich miliero e ngʼuti, to chunya rumo.

Wer Mamit 4:9 ပူးပေါင်းရင်းမြစ်များ

Chakruok 20:12

To adier, kata obedo ni nakendo Sara, to en nyamera, nimar en nyar wuora, to minewa ema opogore.

Chakruok 41:42

Mi nogolo tere mar loch e lwete, moketo e lwet Josef. Nomiye lewni mag bafta mayom morwako, mi olierone thiwni mag dhahabu e ng’ute.

Zaburi 45:9

Nyiri moko manie dalani gin nyi ruodhi, to e bath komi korachwich, chiegi ochung’ie, korwakore gi dhahabu maler moa Ofir.

Ngeche 1:9

nimar puonjgi biro loso kiti maber, mana kaka kondo kata thiwni miyo ng’ato nenore maber.

Ngeche 6:25

Kik chia ma mon-go nigo ywayi, kendo kik wengegi malombo miyi gombo.

Wer Mamit 1:10

Yie wiyi mokadi nenore maber koliero e lembi kendo e ng’uti mana ka tigo ma nengone tek.

Wer Mamit 1:15

“Mano kaka ijaber, yaye jaherana! Mano kaka ijaber! Wengeni nyiso mana hera lilo.”

Wer Mamit 3:11

“Un nyi Sayun, biuru mondo une ruoth Solomon! Orwako osimbo mane min mare osidhone chieng’ mane okendoe monenoe mor maduong’.”

Wer Mamit 4:10

Yaye chiega, herani mit moloyo divai, kendo mo miwirorigo dum mamit moloyo modhi duto.

Wer Mamit 4:12

Jaherana ma chiega chalo gi puodho mochiel motegno, kata ka soko modin ma ji ok modhie.

Wer Mamit 6:12

Koro amor mokadho. Achalo jatend oganda lweny moidho gache.

Wer Mamit 6:5

Gol wang’i kuoma nimar wang’i nega. Yie wiyi miel mana ka kwedh diek, machikore ka lor e gode mag Gilead.

Wer Mamit 7:10

An mar jaherana, kendo odwara.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Ezekiel 16:11

Bende ne amiyi tigo ma nengone tek, gi ronge mag lwedo, kod thiwni miketo e ng’uti.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Mathayo 12:50

nimar ng’ato ang’ata matimo gima Wuora mae polo dwaro e owadwa, gi nyamera, kod mama.”

Johana 3:29

Ng’at man gi miaha e wuon kisera, to osiep wuon kisera mochung’ kanyo bedo mamor kowinjo dwond wuon kisera. Mor ma kamano ema an bende an-go, kendo koro oroma chuth.

1 Jo-Korintho 9:5

Koso donge wan gi ratiro mar wuotho gi mondewa ma jo-Kristo, kaka joote mamoko gi omine Ruoth kod Petro jotimo?

2 Jo-Korintho 11:2

An gi nyiego kuomu, to en mana nyiek Nyasaye. Ne amiyo umako osiep gi Kristo, kendo ne adwaro terou ire kaka ng’ato tero nyako ngili ir chwore.

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.