Wer Mamit 4:4 - MUMA MALER 2015

⁴ Ng’uti bor ka osuch Daudi, ma nenore gi kuma bor, kendo ma jolweny gana achiel marateke lieroe kuodigi.

Motingʼo Loko Manyien

⁴ Ngʼuti chalo gi osuch Daudi, mochungʼ tir gi chia; kuode alufu achiel oliero kuome, ma kargi duto gin kuodi mag jokedo.

Wer Mamit 4:4 ပူးပေါင်းရင်းမြစ်များ

2 Samuel 1:21

Un gode mag Gilboa, kik tho mok kuomu. Un puothe mag kuoyo, kik koth chue kuomu, nikech kuondegoo ema kuodi mag joma rateke odong’ie, ka kethore, kaachiel gi kuod Saulo, ma koro ok owir gi mo.

2 Samuel 22:51

Nyasaye kelo resruok maduong’ ni ruoth moketo. Ee, ohero ng’at moyiero, gi hera mosiko, ma en mana Daudi, gi kotha nyaka chieng’.”

Nehemia 3:19

Ezer wuod Jeshua jatend Mizpa nochako gero migawo machielo e dir jo-Binui, kama omanyore gi yo ma idho kochomo kar keno mar gilweny man kama ohinga ogomogo.

Zaburi 144:12

Yawuotwa ma pod tindo, onego chal gi yien madongo motegno. Nyiwa bende onego ochal gi kite mopa, ma licho od ruoth.

Wer Mamit 1:10

Yie wiyi mokadi nenore maber koliero e lembi kendo e ng’uti mana ka tigo ma nengone tek.

Wer Mamit 7:4

Ng’uti to chalo gi osuch lak liech, kendo wengeni nyiwni ka pi yewni man but dhoranga Heshbon, dala maduong’. Umi ber mana ka got Lebanon moting’ore kochomo Damaski.

Wer Mamit 7:5

Wiyi ni malo mana ka got Karmel, kendo yie wiyi mokadi ber mana ka law maralik, ma kata mana ruoth koneno, to chunye chandore!

Wer Mamit 8:10

“An to an ohinga, kendo thunda ema orita. Jaherana ong’eyo ni aritora maber, maonge gima dithage.”

Mika 4:8

Omiyo in Jerusalem, dala ma Nyasaye ritoe joge, ibiro bedo dala maduong’, kendo loch mane in go chon biro duogoni.

Jo-Kolosai 2:19

Giseweyo bedo kuom Kristo ma en Wich. Kuom Kristo, ringruok duto yudoe gik modwaro, kendo fuoni gi leche omake kaachiel, omiyo odongo kaka Nyasaye dwaro ni mondo odongi.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.