Wer Mamit 4:14 - MUMA MALER 2015

¹⁴ Gin gik mopogore opogore, ma moko mit chamo, to moko ng’ue ng’ar.

Motingʼo Loko Manyien

¹⁴ Gin olembe mopogore opogore kaka nad kod safron, gi kalmas kod sinamon, kod yedhe mangʼwe ngʼar, kaka ubani gi mane-mane, kod apilo mamit mag tedo.

Wer Mamit 4:14 ပူးပေါင်းရင်းမြစ်များ

Chakruok 43:11

Israel wuon-gi nowachonigi niya, “Ka ochuno ni nyaka bed mana kamano, to ara timuru. To kawuru gik moko mabeyo mag pinyni, machalo dwogo gi mor kich gi gik mang’ue ng’ar, gi manemane, kod olembe moko, mondo uting’ e ogundeu, uter ni ng’atno kaka chiwo.

1 Ruodhi 10:10

Eka nomiyo ruoth Solomon dhahabu moromo kilo alufu abiriyo, kod kite ma nengogi tek. Solomon ne ok ochako oyudo gik mang’ue ng’ar ma dirom gi mago mane ruoth madhako mar Sheba omiye.

2 Weche mag Ndalo 9:9

Eka nomiyo ruoth Solomon dhahabu moromo kilo alufu abiriyo, gi gik mang’ue ng’ar mogundho kod kite mabeyo ma nengogi tek. Solomon ne ok ochako oyudo gik mang’ue ng’ar machal gi mago mane ruoth madhako mar Sheba omiye.

Zaburi 45:8

Lepi duto dum manemane gi poda kod dalasini. Jothum bende miyi mor e udi mabeyo mobaw malich gi lak liech.

Wuok 30:23

“In to ikaw gik mang’ue ng’ar, mabeyo machal kama: Manemane manumu moromo kilo apar gi dalasini moromo kilo abich, gi ondago bende kilo abich,

Ngeche 7:17

kendo asekiroe poda mang’ue mamit.

Wer Mamit 1:12

“Kane ruodha pod obet e kome, mo mane awirorago ne dum mamit.

Wer Mamit 3:6

Mano ang’o mawuok e thim ka iro madhuolore, machalo ich ubani miwang’ono, kata machalo poda ma johala kelo?

Wer Mamit 4:6

Abiro mana bet e got mang’ue ng’ar, nyaka koch okinyi kudhi, mi piny yawre.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Wer Mamit 6:2

“Jaherana osedhi e puothe, kama gik mang’ue ng’ar dongoe, mondo okwa kanyo kendo opon ondanyo.

Ezekiel 27:19

Ne giwilo gigi gi nyinyo mothedhi kod gik mamilimili.

Kwan 24:6

Hembeu chalo gi yiend othidhe mopidhi e laini maboyo, kendo chalo gi puothe mae bath aora, kaka yien mabeyo ma Ruoth Nyasaye opidho, kendo kaka yiend sida mae dho pi.

Mariko 16:1

Kane chieng’ Sabato oserumo, Maria nyar Magdala gi Salome kod Maria min Jakobo ne jong’iewo mo mang’ue ng’ar mondo gidhi giwirgo ringre Yesu.

Johana 19:39

Nikodemo, mane osedhi ir Yesu gotieno chieng’ moro, bende nodhi gi Josef. Nokelo yien moko mang’ue ng’ar miluongo ni manemane gi subili, moruw kaachiel, madirom kilo piero adek.

Fweny 18:13

kod gik moko kaka dalasini gi gik mang’ue ng’ar, gi uvumba, gi mor wir madum tik mamit, gi ubani, kod divai gi mo kod mogo mayom gi ngano kod rombe gi dhok kod farese gi geche lweny, gi joma otue wasumbini, kod ngima mag ji.