Wer Mamit 3:8 - MUMA MALER 2015

⁸ Giduto ging’eyo kedo gi ligangla, kendo gin jolweny molony. Moro ka moro omanore gi ligangla, koikore kedo gi gimoro manyalo monjogi gotieno.

Motingʼo Loko Manyien

⁸ giduto gimanore gi ligangla, giduto gilony e kedo, ka ngʼato ka ngʼato nigi liganglane e bathe, koikore ne gik mabwogo ji gotieno.

Wer Mamit 3:8 ပူးပေါင်းရင်းမြစ်များ

Nehemia 4:16

Chakre chieng’no, nus mar joga nodhi nyime gi gedo, to nus modong’ noting’o tong’ gi okumba gi atung’, ka girwakore gi akor mag lweny. Jotelo to nokwayo jo-Juda

Nehemia 4:17

mane gedo. Joma ne golo pidhe mag kuonde momukorego ne tiyo gi lwedo achiel, to lwedo machielo gimakogo gilweny.

Zaburi 45:3

Tue liganglani e nungoni, yaye ruoth maratego, man gi teko kod duong’.

Zaburi 91:5

Ok inibed kiluoro masira moro gotieno, kata gima nyalo hinyi apoya godiechieng’.

Wer Mamit 3:7

Neuru, giting’o kom miting’oe Solomon, kendo thuwondi piero auchiel olwore. Gin jolweny magerie moloyo e Israel.

Wer Mamit 3:9

Ruoth Solomon noloso kom mane iting’egono gi yiend Lebanon mabeyo mokadho.

Isaya 27:3

To an Ruoth Nyasaye e jaritne, kendo akelone pi pile mondo kik pot mzabibu lwar. Arite gotienoo kendo godiechieng’,

Jeremia 50:9

Adhi jiwo ogendini moko marateke modak yo nyandwat mondo obi omonj Babulon. Gibiro riedo ni lweny mondo giked gi dalano mi gikaw. Giniba asere ka jodwar ma josaba ma gima gibayo ok leng’.

Jong’ad Bura 3:16

Ehud nothedho pand ligangla ma dhoge ariyo, to borne romo nus mita, mi notweye ei lawe e bathe ma korachwich.