Wer Mamit 3:1 - MUMA MALER 2015

¹ Ne aleko jaherana otieno kotieno, ka anindo e kitandana. Ne amanye, to ne ok anyal yude. Bende ne aluonge, to ne ok odwoka.

Motingʼo Loko Manyien

¹ Otieno duto kane an e kitandana, ne amanyo ngʼat ma chunya ohero; ne amanye to ne ok ayude.

Wer Mamit 3:1 ပူးပေါင်းရင်းမြစ်များ

Zaburi 22:2

A Nyasacha, aywakni godiechieng’ to ok idwoka. Gotieno bende aywak to ok ayud kue.

Zaburi 4:4

Kata ka mirima omakou machal nadi, to kik utim richo. Paruru matut ahinya kuom wachno, ka un kendu mos e uteu.

Zaburi 6:6

Kuyo osebara ndasi. Otieno ka otieno, pi wang’a opong’o kitandana.

Wer Mamit 1:7

In jaherana, nyisa kuma ibiro dhi kwayoe jambi. Gibiro yueyo kanye godiechieng’? Ere gima omiyo onego amanyi kuonde ma jokwath mamoko kwayoe?”

Wer Mamit 5:6

To kane ayawo ni jaherana dhoot, to ne ayudo ka osea! Mano kaka ne agombo winjo dwonde! Ne arange koni gi koni, to ne ok anyal nene. Bende ne aluonge, to ne ok odwoka.

Wer Mamit 5:8

A yaye, un nyi Jerusalem, ka uneno jaherana, to yie unyise ni hera ma aherego dwaro nega!

Isaya 26:9

Otieno duto chunya dwari. Adier, amanyi ka aketo chunya, nikech ka ibiro e piny, ming’ado bura, to eka joma odakie puonjore tim makare.

Isaya 55:6

Dwaruru Ruoth Nyasaye kapod kinde nitie minyalo yudego. Adier, ywagneuru ka pod en machiegni.

Luka 13:24

“Temuru matek mondo udonj gie dhoot madiny, nikech awachonu ni, ji mang’eny nodwar donjo, to ok gininyal.

Johana 11:29

Kane Maria owinjo kamano, noa malo piyo, mi odhi ir Yesu.

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,