Wer Mamit 2:4 - MUMA MALER 2015

⁴ Ne itera e odi mar chiemo, mi iliero bandech hera kuoma.

Motingʼo Loko Manyien

⁴ Osetera e od budho mare, kendo herane oliero e wiya ka bendera.

Wer Mamit 2:4 ပူးပေါင်းရင်းမြစ်များ

Ayub 1:10

Donge irite maber, kaachiel gi joode kod gimoro amora ma en go? Iguedho gik moko duto motimo, kendo isemiye dhok mopong’o piny.

Zaburi 20:5

Eka wanago koko gi mor nikech iseloyo lweny, kendo wanabed moil kwapako Nyasaye. Onego Ruoth Nyasaye winj kwayoni duto!

Zaburi 60:4

Ne ichungo bandera, mondo joma oluori ochokre, to ne gilokore, mi giringo wasikgi.

Zaburi 84:10

Odiechieng’ achiel ma ng’ato obedogo e Hekalu mari, ber moloyo ndalo gana gi gana mobedogo kamoro nono. Ber mondo achung’ kata mana e dhoranga od Nyasacha, moloyo dak e miech joricho.

Wer Mamit 1:1

Ma e wend Solomon mamitie moloyo wendene mamoko duto.

Wer Mamit 1:4

Kawa mondo waring wadhi mondo iketa e odi, yaye ruodha. Wabiro bedo mamor kaachiel, kendo wabiro madho hera mana ka divai. Adier, mano kaka heri en gima ber!

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Wer Mamit 6:4

“Jaherana, iber mana ka Jerusalem, kata ka dala mar Tirza. Ka aneni, to agamo yueyo agama, mana ka gima aneno mier ariyogo.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.