Wer Mamit 2:16 - MUMA MALER 2015

¹⁶ Jaherana en mara, kendo an bende an mare. Okwayo e chuny ondanyo.

Motingʼo Loko Manyien

¹⁶ Jaherana en mara kendo an mare; odongo maber e dier ondanyo.

Wer Mamit 2:16 ပူးပေါင်းရင်းမြစ်များ

Zaburi 48:14

mondo chieng’ moro unyis tieng’ mabiro ni Nyasayeni en Nyasachwa mochwere, kendo obiro telonwa nyaka chieng’.

Zaburi 63:1

A Nyasaye, in e Nyasacha, kendo agombo mondo aneni. Siso omaka kodi, kendo riyo mar ng’eyi oloya mana kaka piny motwo gombo koth.

Wer Mamit 1:7

In jaherana, nyisa kuma ibiro dhi kwayoe jambi. Gibiro yueyo kanye godiechieng’? Ere gima omiyo onego amanyi kuonde ma jokwath mamoko kwayoe?”

Wer Mamit 2:1

An to, an mana maup thim mar Sharon, kata ondanyo madongo e pap.”

Wer Mamit 4:5

Thundeni chalo gi nyidiek marude, ma kwayo e chuny ondanyo.

Wer Mamit 6:2

“Jaherana osedhi e puothe, kama gik mang’ue ng’ar dongoe, mondo okwa kanyo kendo opon ondanyo.

Wer Mamit 6:3

Jaherana en mara, kendo an bende an mare. Okwayo e chuny ondanyo.”

Wer Mamit 7:10

An mar jaherana, kendo odwara.

Wer Mamit 7:11

“Bi yaye jaherana wadhi waba oko, mondo wanind e puothe mag mzabibu gotieno.

Wer Mamit 7:13

Kuno to inyalo ng’ueyoe tik kungumanga, kendo olembe mamit duto odhuro kuno. A yaye jaherana, asekanoni kit mor duto te!

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.