Wer Mamit 1:8 - MUMA MALER 2015

⁸ “Donge ing’eyo kuma adhiyoe, yaye nyako ma jaber moloyo nyiri duto gi ber? Onego iluw tiend rombena, mondo eka ibi ikwa dieu but hembe jokwath.

Motingʼo Loko Manyien

⁸ Ka ok ingʼeyo, yaye jaber moloyo mon mamoko, lu bangʼ rombe kuonde ma gikwayoe, mondo ikwa nyidiek ma pod tindo e bath hembe mag jokwath.

Wer Mamit 1:8 ပူးပေါင်းရင်းမြစ်များ

Zaburi 16:3

Joma ogeno kuom Ruoth Nyasaye gin joma beyo, kendo amor kodgi gi chunya duto.

Zaburi 45:11

Chia mari biro miyo ruoth heri. En ruodhi, omiyo nyaka iluore.

Zaburi 45:13

Nyar ruoth ni e odgi, to mano kaka ojaber! Lepe ochue mana gi usi mar dhahabu.

Ngeche 8:34

Ng’at ma owinjo wachna, kendo ma osiko e dhoranga dalana, ka oketo wang’e e dhooda, en jahawi,

Wer Mamit 1:15

“Mano kaka ijaber, yaye jaherana! Mano kaka ijaber! Wengeni nyiso mana hera lilo.”

Wer Mamit 2:10

Awinjo ka jaherana wuoyo koda, kawacho niya, ‘A malo, jaherana! Wuog wadhi, yaye jaber.

Wer Mamit 4:1

“Mano kaka iber, yaye jaherana! Mano kaka iber! Mano kaka wang’i miumo gi nanga nyiso hera lilo! Yie wiyi miel ka kwedh diek machikore ka lor e gode mag Gilead.

Wer Mamit 4:10

Yaye chiega, herani mit moloyo divai, kendo mo miwirorigo dum mamit moloyo modhi duto.

Wer Mamit 4:7

Mano kaka iber, yaye jaherana! Ionge gi mbala kata achiel e dendi.

Wer Mamit 5:9

“In nyako ma jaber moloyo nyiri duto gi ber, nyiswae kaka jaheranino chalo. Ang’o ma oloyogo yawuowi moko duto, momiyo ichikowa matek kamano?”

Wer Mamit 6:1

“Ere kuma jaherani nogo odhiye, yaye, nyako majaber moloyo nyiri duto gi ber? Ochiko kure, mondo wakonyi manye?”

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Johana 21:15

Kane gisegago, Yesu nopenjo Simon Petro niya, “Simon Wuod Johana, ihera moloyo joma mokogi koso?” Nodwoke ni, “Ee, Ruoth, ing’eyo ni aheri.” Yesu nowachone ni, “Kwa romba.”

1 Jo-Korintho 11:1

Luwuru timna kaka an bende aluwo tim Kristo.

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Jo-Hibrania 13:7

Paruru jotendu mane owachonu wach Nyasaye. Paruru kaka ngimagi ne chalo, kod tich mane gitiyo, mondo un bende ubed gi yie machalo gi yie mane gin-go.

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.

Jakobo 2:21

Par ane Ibrahim kwarwa. Ere kaka ne obet e winjruok gi Nyasaye? Donge timne ema ne omiyo obedo e winjruok kode, kane ochiwo Isaka wuode e kendo-mar-misango?

Jakobo 2:25

Paruru bende Rahab, dhako ma jachode. Donge Nyasaye nomiyo obet e winjruok kode nikech gik mane otimo kane orwako joote, mi bang’e nomiyo gitony e yo machielo?

Jakobo 5:10

Owetena, ka udwaro neno kaka onego uhoru mos e sand, to paruru jonabi mane owuoyo e nyim Ruoth,

1 Petro 3:6

Sara ne achiel kuom mon ma kamago. Ne omiyo Ibrahim luor, kendo ne oluonge ni, “Ruodha.” Koro un udoko nyige ka utimo gik mabeyo, kendo ok uwe gimoro bwog chunyu.