Wer Mamit 1:6 - MUMA MALER 2015

⁶ Kik uchaya kuom bet dichol, nikech chieng’ ema oseloko kita kamano. Owetena ne mon koda, omiyo ne gimiya tich rito puoth mzabibu. Kuom mano, ne ok ayudo thuolo mar loso denda.

Motingʼo Loko Manyien

⁶ Kik uchaya nikech an dichol, nimar chiengʼ ema oseloko denda kamano. Yawuot minwa nokecho koda, mine giketa jarit puothegi mag mzabibu; to puotha awuon mar mzabibu to ne ajwangʼo.

Wer Mamit 1:6 ပူးပေါင်းရင်းမြစ်များ

Ayub 30:30

Denda oselokore rateng’, kendo opokore, midhusi bende ohinga.

Zaburi 69:8

Achalo ni owetena ka ng’ama pok gineno. Joodwa to achalonigi mana japiny moro nono.

Jeremia 12:6

Koda ka omineni hie osendhogi, kendo giseriwore gi jomoko ma monji. Kik igen-gi, kata obedo ni giwachoni weche mabeyo kamano.”

Jeremia 8:21

Chunya lit, nikech itimo ni joga malit. Aywak kendo akuyo marach.

Ywagruok 4:8

to tinde wang’gi olil ti, mi ka ng’ato oromo kodgi to ok nyal ng’eyogi. Chokegi ogulo, kendo dendgi ojwer mana ka luth.

Mika 7:6

E ndalogi yawuowi jaro wuonegi, nyiri bende kwedo minegi, kendo mond yawuowi kwedo weg utegi. Kamano wasik ng’ato gin mana joodgi.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Mathayo 10:25

Ber mondo japuonjre obed marom gi japuonjne, kendo misumba bende obed marom gi ruodhe. Ka ji luongo wuon dala ni ruodh jochiende, jo dalane to koro digiyany marom nade!

Mariko 4:6

Bang’e chieng’ nowuok, mowang’o cham mapod tindogo, kendo kaka tiendegi ne ok nyal donjo matut, ne gitwo piyopiyo.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Jo-Galatia 4:29

E kindeno, wuowi mane onywol kuom dwaro mar dhano ne osando jal mane onywol kuom Roho mar Nyasaye, kendo kamano e kaka obet e ndalogi.