Tito 3:4 - MUMA MALER 2015

⁴ Kane ng’wono mar Nyasaye Jawarwa kod hera ma oherogo dhano ofwenyore,

Motingʼo Loko Manyien

⁴ To kane ngʼwono kod hera mar Nyasaye ma Jawarwa ofwenyore to nowarowa.

Tito 3:4 ပူးပေါင်းရင်းမြစ်များ

Luka 1:47

“Chunya pako Ruoth! Adier, amor nikech Nyasaye Jawarna,

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

1 Timotheo 1:1

An Paulo, jaote mar Kristo Yesu kuom chik mar Nyasaye ma Jawarwa gi Kristo Yesu ma en geno marwa,

1 Timotheo 2:3

Lemo ma kamago en gima ber kendo malong’o ni Nyasaye Jawarwa,

1 Timotheo 4:10

Mano ema omiyo watiyo matek kendo wakedo, nikech wan gi geno kuom Nyasaye mangima, ma Jawar mar ji duto, to moloyo Jawar mar joma oyie.

2 Timotheo 1:10

To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

Tito 1:3

Nyasaye ma jawarwa ema nohulo wachne malong’o e ndalo mane en owuon oketo, kendo nogolo chik ni an ema onego miya tich mar lando wachneno.

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Petro 2:3

nimar kaka Muma wacho, usebilo ng’wono mar Ruoth.