Tito 2:8 - MUMA MALER 2015

⁸ To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.

Motingʼo Loko Manyien

⁸ wecheni obed weche mowinjore ma ngʼato ok nyal chayo ni gin weche mofuwo mondo joma ok oyie kodi wigi okuodi nikech gionge gimoro amora marach ma ginyalo wacho kuomwa.

Tito 2:8 ပူးပေါင်းရင်းမြစ်များ

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Mariko 12:17

Eka Yesu nowachonigi niya, “Chiwuru ni Kaisar gi Kaisar, to gi Nyasaye chiwuru ni Nyasaye.” Kane giwinjo dwokoneno, dhogi nomoko.

Mariko 12:28

Achiel kuom jopuonj Chik nowinjo kaka gigoyo mbaka, mi oneno ka Yesu odwoko jo-Sadukai kare, omiyo nopenje niya, “Ere chik maduong’ie moloyo chike mamoko duto?”

Mariko 12:32

Eka japuonj chikno nowacho ni Yesu niya, “Japuonj, iwacho kare. En adier ni Nyasaye en achiel kende, kendo onge Nyasaye moro machielo mak mana en.

Mariko 12:34

Kane Yesu oneno kaka ng’atno odwoke gi rieko, nowachone niya, “Ok ibor gi Loch Nyasaye.” Bang’ mano, onge ng’ama nohedhore penjo Yesu wach moro kendo.

Luka 13:17

Dwokone nokwodo wi wasike duto, to ji mamoko nodoko mamor kuom gik malich duto mane otimo.

2 Jo-Thesalonika 3:14

Ka ng’at moro ok oyie winjo gima wawacho e baruani, to ng’iuru ng’atno maber, kendo pogreuru kode, nikech mano dipo ka okuodo wiye.

1 Timotheo 5:14

Omiyo daher mondo okend mond liete matindo, mi ginywol nyithindo, kendo girit utgi, eka digitam jasikwa yudo thuolo mar wacho weche maricho kuomwa.

1 Timotheo 6:3

To ka ng’ato kelo puonj mayore, kendo ma ok oluwore gi weche maradier gi mag Ruodhwa Yesu Kristo, kod puonj ma miyo ji luoro Nyasaye,

Tito 3:14

To nyaka ine ni jowa opuonjore tiyo tije mabeyo, mondo giyud gik ma gichando. Kik gibed joma budho abudha.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 2:15

Nyasaye dwaro mondo timbeu mabeyo omak dho joma ofuwo makia.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.