Tito 2:7 - MUMA MALER 2015

⁷ In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma.

Motingʼo Loko Manyien

⁷ Bednegi ranyisi e yore duto kitimo gik mabeyo. Kipuonjo to nyis ni in ngʼama ngimane oriere tir kendo ma ok dwar oyuma,

Tito 2:7 ပူးပေါင်းရင်းမြစ်များ

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 2:17

Wan ok wachal gi ji mathoth makonyore gi Wach Nyasaye e yo ma ok kare, mondo oyudgo ohala. Ooyo, wan joma Nyasaye oseoro, omiyo wawuoyo e nyim Nyasaye gi adiera ka joma ni kuom Kristo.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.

2 Jo-Korintho 8:8

Ok aketnu chik, to anyisou mana hera ma jomoko nono nigo, mondo ane ane ka herau en hera maradier.

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Jo-Filipi 1:10

mondo ubed gi rieko mar yiero mana gima kare kende. Kamano unubed maler kendo maonge bura chieng ma Kristo obiroe,

2 Jo-Thesalonika 3:9

Ok ne watimo kamano nikech ne waonge gi ratiro mar yudo konyruok kuomu, to ne watimo kamano mana ni mondo wabed ranyisi munyalo luwo.

1 Timotheo 4:12

ma ok iyie mondo ng’ato ochayi nikech itin. To bed ranyisi ni jo-Kristo, kuom weche miwacho, gi gik mitimo, kod hera miherogi ji, kendo kuom bedo jaadiera, bende kuom bedo ng’ama ler.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Tito 3:8

Wechego gin adier, kendo adwaro ni mondo ine ni ji owinjore, mondo joma oyie kuom Nyasaye oket chunygi kuom timo gik mabeyo. Adier, wechego beyo kendo konyo ji.

1 Petro 5:3

Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber.