Tito 2:5 - MUMA MALER 2015

⁵ kendo obed joma oritore, mangimagi ler, bende ma rito utgi maber. Nyaka gibed mon mang’won kendo moluoro chwogi, mondo Wach Nyasaye kik yany.

Motingʼo Loko Manyien

⁵ ka giterore mos kendo gidak e ngima maler bende ka girito e utegi. Nyaka gibed mon mangʼwon kendo moluoro chwogi mondo kik ngʼato angʼata yany wach Nyasaye.

Tito 2:5 ပူးပေါင်းရင်းမြစ်များ

Chakruok 18:9

Bang’e ne gipenjo Ibrahim niya, “Ere Sara chiegi?” Nodwokogi ni, “En e hema ka”.

Chakruok 3:16

Eka nowacho ni dhako niya, “Anamedni chandruok ka in gi ich, kendo muoch nokayi kinyuol. Kata kamano inigomb mondo ibed gi chwori, to enobed ng’ama chiki.”

2 Samuel 12:14

To kata kamano nyathi monywolni biro tho, nikech isechayo Ruoth Nyasaye.”

Zaburi 74:10

A Nyasaye, wasikwa biro jarowa kuom kinde marom nadi? Koso gibiro yanyo nyingi nyaka chieng’?

Ngeche 7:11

Ne en dhako ma wang’e tek, kendo maonge wichkuot. Pile ne owuotho e gweng’,

Tich Joote 9:36

Bende ne nitie japuonjre moro manyako Jopa, ma nyinge Tabitha. (Dho Grik to luongo nyingeno ni Dorka, tiende ni Nyakech.) Ne osiko kotimo timbe mabeyo, kendo okonyo joma odhier.

Tich Joote 9:39

Petro noa malo modhi kodgi, kendo kane ochopo kuno notere e ot manie gorofa malo cha. Mond liete duto nochung’ bute kaywak, kendo nyise lewni mane Dorca osetwang’o kane pod ongima.

Jo-Rumi 14:16

Bed kitang’ mondo gima ineno ni ber kik mi jomoko kinde mar wuoyo marach,

Jo-Rumi 2:24

mana kaka Muma wacho niya, “Un jo-Yahudi ema umiyo joma ok jo-Yahudi tugo gi nying Nyasaye”?

1 Jo-Korintho 11:3

To adwaro ni mondo ung’e ni wi dichwo ka dichwo en Kristo, kendo wi dhako en dichwo, to wi Kristo en Nyasaye.

1 Jo-Korintho 14:34

Mon to mondo oling’ e chokruok mana kaka obet e chokruok duto mag jo-Kristo. Ok oyienigi wuoyo, mana kaka Chik Musa bende wacho.

Jo-Efeso 5:33

To un bende owuoyo kuomu kama: Ng’ato ka ng’ato mondo oher chiege kaka oherore owuon, kendo dhako ka dhako bende nyaka luor chwore.

Jo-Kolosai 3:18

Un mon, winjuru chwou, nimar mano e gima joma obedo kuom Ruoth onego tim.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

1 Timotheo 6:1

Owete manie tich misumba nyaka kwan ruodhigi ka joma onego mi luor duto, mondo kik ji cha nying Nyasaye, kod wach mwapuonjo.

Tito 2:4

mondo omi mon matindo opuonjre hero chwogi kod nyithindgi,