Tito 2:14 - MUMA MALER 2015

¹⁴ En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Motingʼo Loko Manyien

¹⁴ mane ochiworenwa mondo oreswa wawe timbe maricho kendo mondo opwodh ne en owuon joma owinjore bedo joge, moikore timo gik mabeyo.

Tito 2:14 ပူးပေါင်းရင်းမြစ်များ

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

Zaburi 130:8

Obiro waro joge Israel kuom richogi duto.

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Wuok 15:16

Luoro gi kihondko omakogi, mi gichung’ achung’a ka siro, nikech duong’ mar tekoni. A Ruoth Nyasaye, gichung’ kamano, nyaka joma iloko jogi kadhi.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

Ezekiel 37:23

Ok ginichak gidwanyre gi nyiseche manono kendo makuero, bende ok ginindhogre gi richo. Anaresgi, kagologi e yore duto mag richo koda ka mago ma gindhogago. Anapwodhgi, mi gibed joga, kendo anabed Nyasachgi.

Tim jo-Lawi 25:41

eka nowe tiyoni, mi nodog gi nyithinde kuom joodgi kendo e lop kwerene.

Malaki 3:3

Enobi mondo ong’ad bura mana ka ng’at malenyo fedha obed maler. Enopwodh jodolo maler mana kaka ipwodho fedha gi dhahabu. Bang’e ginitim ni Ruoth Nyasaye misengni makare.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Mathayo 1:21

Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Johana 10:15

mana kaka Wuora ong’eya, kendo an bende ang’eyo Wuora. Mano emomiyo ayie chiwo ngimana nikech romba.

Johana 6:51

An e kuon mangima mane olor oa e polo. Ng’at mochamo kuonni nobed mangima nyaka chieng’. To bende kuon ma abiro chiwo mondo piny oyud ngima en ringra.”

Tich Joote 15:14

Simon osenyisowa kaka Nyasaye nochako chon mondo okwa jomoko kuom joma ok jo-Yahudi olok joge owuon.

Tich Joote 15:9

Nopuodho chunygi nikech ne giyie kuome, kotimonigi mana kaka notimonwa.

Tich Joote 20:28

To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Tich Joote 9:36

Bende ne nitie japuonjre moro manyako Jopa, ma nyinge Tabitha. (Dho Grik to luongo nyingeno ni Dorka, tiende ni Nyakech.) Ne osiko kotimo timbe mabeyo, kendo okonyo joma odhier.

Jo-Galatia 1:4

Ruodhwa Yesu Kristo ema ne ochiwore owuon nikech richowa, mondo oreswa e piny marach ma kawuononi, koyie timo kaka Nyasaye Wuonwa dwaro.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Rapar mar Chik 14:2

nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Rapar mar Chik 26:18

Ruoth Nyasaye bende osehulo tinende ni un e joge owuon, marito chikene duto, kaka nosingorenu.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

1 Timotheo 1:15

Wach maradier kendo mowinjore ji oyiego chuth en ni, “Yesu Kristo nobiro e piny mondo owar joricho,” To an e jaricho marachie moloyo joricho duto,

1 Timotheo 2:10

to onego girwakre gi timbe mabeyo kaka owinjore gi mon ma wacho ni oluoro Nyasaye.

1 Timotheo 2:6

En ne ochiwore mondo owar ji duto. Kamano kane kinde mowinjore ochopo, to nonyiso ratiro ni Nyasaye dwaro waro ji duto.

1 Timotheo 6:18

Nyisgi mondo gibed joma timbegi beyo, ka timbegigo ema obedonigi mwandu mogundho, mayie pogo gik ma gin-go ni jowetegi.

Tito 2:7

In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma.

Tito 3:8

Wechego gin adier, kendo adwaro ni mondo ine ni ji owinjore, mondo joma oyie kuom Nyasaye oket chunygi kuom timo gik mabeyo. Adier, wechego beyo kendo konyo ji.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 10:24

Ng’ato ka ng’ato nyaka par kaka onyalo jiwo wadgi omed bedo gi hera kod timbe mabeyo.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Petro 1:18

Ung’eyo ni kane owaru kuom timbeu manono mane uyudo kuom kwereu, to ne ok owaru gi gik matow kaka fedha kata dhahabu,

1 Petro 1:22

Koro kaka usepwodho chunyu kuom winjo wach mar adiera, kendo uheroru maonge miganga kaka owete, omiyo herreuru chuth gi chunyu duto,

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

1 Johana 1:9

To ka wahulo richowa, to oweyonwagi, kendo opwodhowa kuom tim duto ma ok odhi kare, nikech en jaadiera, kendo otimo mana gima kare.

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.