Tito 1:9 - MUMA MALER 2015

⁹ Nyaka oyie chuth ni wach mwapuonjo en adier, kendo nyaka omake matek, eka onyalo jiwo ji gi puonj maradier, kong’eng’o joma tamore yie puonjno.

Motingʼo Loko Manyien

⁹ Nyaka omak motegno puonj migeno, mana kaka osepuonje e kinde motelo, mondo eka ojiw joma moko gi puonj madier kendo okwer joma kwedo puonjno.

Tito 1:9 ပူးပေါင်းရင်းမြစ်များ

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 27:6

Ok nawe mak awacho ni an kare, nimar ang’eyo ni aler.

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Tich Joote 18:28

nikech nosiko koloyo jo-Yahudi chuth gi wach, kendo konyisogi ratiro kaka Muma wacho ni Yesu e Mesia.

1 Jo-Korintho 14:24

To ka ji duto hulo wach moa kuom Nyasaye, mi ng’at moro makia, kata ma ok oyie, obiro, to weche duto mowinjo chwowo chunye, kendo miyo bura loye,

1 Jo-Thesalonika 5:21

Temuru gik ma kamago duto, kendo rituru mabeyo kuomgi,

2 Jo-Thesalonika 2:15

Emomiyo owetewa, chung’uru matek. Makuru puonj mane wapuonjou gi dhowa kod barupewa.

1 Timotheo 1:10

Okete bende ni joma terore, kendo ni chwo materore gi chwo wetegi, kendo ni joma kwalo ji, gi jomriambo, gi joma kuong’ore gi miriasia. Chutho Chik oketi ni ng’ato ang’ata matimo gimoro amora makedo gi puonj maradier.

1 Timotheo 1:15

Wach maradier kendo mowinjore ji oyiego chuth en ni, “Yesu Kristo nobiro e piny mondo owar joricho,” To an e jaricho marachie moloyo joricho duto,

1 Timotheo 1:19

kendo bed gi yie motegno, kionge gi gimoro ma dimi chunyi thagi. Jomoko osetimo gik ma chunygi nyisogi ni ok kare, omiyo koro giseweyo yie mane gin-go, mi gilal.

1 Timotheo 4:9

Wachno en adier, kendo owinjore ji oyiego chuth.

1 Timotheo 6:3

To ka ng’ato kelo puonj mayore, kendo ma ok oluwore gi weche maradier gi mag Ruodhwa Yesu Kristo, kod puonj ma miyo ji luoro Nyasaye,

2 Timotheo 1:13

Nyaka imak puonj maradier mane amiyi, obedni ranyisi. Luw puonj ka in gi yie kod hera ma wan-go kuom Kristo Yesu.

2 Timotheo 2:2

Weche duto mane iwinjo ka apuonjo e nyim joneno mang’eny, to in bende nyaka inyis joma igeno, ma bende nyalo puonjo jomoko.

2 Timotheo 2:25

kendo marieyo joma dagi wachne gi muolo. Kamoro dipo ka Nyasaye nyalo miyo chunygi lokre mondo ging’e adiera,

2 Timotheo 3:14

To in nyaka isik kirito weche misepuonjori, kendo ming’eyo ni adier, king’eyo ni joma ne opuonji gin ng’a gini.

2 Timotheo 4:3

Ndalo biro ma ji ok noyie puonj maradier, to giniluw mana gombogi giwegi, kendo ginidwar bedo gi jopuonj mathoth mondo opuonjgi mana weche malombogi.

Tito 1:11

Nyaka kwergi mondo giling’, nikech giketho mier ka gipuonjo weche ma ok owinjore gipuonji, mana ni mondo giyud pesa.

Tito 2:1

To in Tito, nyaka iwach mana weche mowinjore gi puonj maradier.

Juda 1:3

Osiepena, ne agombo ahinya mondo andiknu kuom warruok ma waduto wan-go, to koro aneno ni nyaka andiknu, kajiwou mondo umed kedo matek ni wach yie ma Nyasaye osemiyo joge dichiel kendo mogik.

Fweny 2:25

To awachonu mana ni mondo umak gima un go matek nyaka abi.

Fweny 3:11

Abiro biro piyo, omiyo mak gima in-go matek, mondo kik ng’ato mayi osimboni.

Fweny 3:3

Omiyo par ane gima ne opuonji, kendo mane iwinjo. Make, kendo ilok chunyi iwe richoni. To ka ok ichiew, to abiro poyi ka jakuo, ka ok ing’eyo sa ma abiroe.