Tito 1:6 - MUMA MALER 2015

⁶ Ka itimo kamano, to nyaka iyier mana joma onge ketho, man gi mon achiel achiel, ma nyithindgi gin joma oyie, kendo ma ji ok chichgo ni ngimagi achach, kata ni wang’gi tek.

Motingʼo Loko Manyien

⁶ Jaduongʼ kanisa nyaka bed ngʼat ma wach moro amora marach onge kuome, kendo ngʼatno man-gi dhako achiel, ngʼat ma nyithinde oyie kendo ma ok nyal kwan kaka nyithindo maricho kendo ma wigi tek.

Tito 1:6 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Ngeche 28:7

Wuowi ma rito chik en ng’ama riek, to ng’at mamako osiep gi joma nono oloyo, kuodo wi wuon mare.

Ezekiel 44:22

Bende jadolo kik kend dhako ma chwore otho, kata dhako moweyo chwore to nyaka okend mana nyako ma silili ma nyar Israel, kata chi liel ma chwore ne jadolo.

Tim jo-Lawi 21:14

Ok nokend nyako ma chwore otho, kata ma chwore oriembo, kata ma onge gi ringre, kata ma ohodho,

Tim jo-Lawi 21:7

Jadolo kik kend ohodho kata nyaka maonge gi ringre kata dhako ma chwore oriembo, nimar en ng’at maler mowal ni Nyasache.

Malaki 2:15

Donge Nyasaye notimou ringruok achiel kendo chuny achiel kodgi? Donge otimo kamano mana ni mondo wabed gi nyithindo maluwo Nyasaye adier? Kuom mano, nyaka uritru mondo kik ng’ato kuomu keth singruok mane otimo ni dhako mane okendo ka en wuowi.

Luka 1:5

E ndalo Herode ruodh Judea, ne nitie jadolo moro ma nyinge Zekaria, mane achiel kuom oganda jodolo miluongo ni oganda Abija. Chiege ne nyinge Elizabeth, kendo en bende ne en nyar dhood Harun jadolo.

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.

1 Jo-Thesalonika 5:14

Owetewa, wakwayou ni mondo usiem joma budho abudha nono kayiem, kendo uduog chuny joma luor, bende ukony joma yomyom, kendo uhoru mos gi ji duto.

1 Timotheo 1:9

ka ging’eyo ni Chik ok oketi ni joma beyo, to okete ni joma ketho chik maroyiem, gi joma ok oluoro Nyasaye, kod joma onjawni. Bende okete ni jonek wuonegi kata minegi kata mana jomoko nono.

1 Timotheo 3:12

Jokony jotend kanyakla mar jo-Kristo nyaka bed joma nigi mon achiel achiel, kendo gibed joma rito nyithindgi gi miegi maber.

Tito 1:10

Chutho, nitie ji mang’eny ma wang’gi tek, kendo mohero weche mag ayiem, bende ma jowuond. To moloyo gin jo-Yahudi moyie kuom Kristo.

1 Samuel 2:11

Bang’ mano nodok Rama, to nyathi nodong’, katiyo ni Ruoth Nyasaye e nyim Eli jadolo.

1 Samuel 2:22

Eli koro noti ahinya. Nowinjo gik mane yawuote timo ni jo-Israel duto, kendo kaka ne giterore gi mon matiyo e dho Hemb Romo.